Hiriguneko gazteek euskararen eta euskarazko kulturaren inguruan duten pertzepzioa ikertu du Naroa Jauregizuria Ahize-AEK-ko aholkulariak, eta #Damolat proiektua abiatu. Ikastolen Elkartea unitate didaktikoa diseinatzen ari da, eta Bizkaiko Foru Aldundiaren babes ekonomikoa jaso du.

Bilbo Handiko gazteen errealitatea, eta hiriguneetako gazteek euskararekin eta euskarazko kulturarekin duten harremana landuko dute abenduaren 2an Barakaldon egingo den ‘Igo Bolumena!’ jardunaldian.

Ahize-AEK hizkuntza aholkularitzak ikerketa egin du jakiteko zein diren Bilbo Handiko gazteek euskararen eta euskarazko kulturaren inguruan dituzten iritziak, asoziazioak edo jarrerak. 2020ko urte hasieratik 2021eko udaberrira arte interbentzioak egin dira Bilboko, Portugaleteko eta Getxoko ikastetxeetan,
eta bertatik ateratako materialarekin #Damolat unitate didaktikoa osatu dute Ikastolen Elkartearekin elkarlanean. Proiektuak Bizkaiko Foru Aldundiaren diru-laguntza jaso du hasieratik, eta gaur goizean aurkeztu dute prentsa aurrean.

Bertan izan dira Xabier Arauzo Bizkaiko Foru Aldundiko Euskara zuzendaria; Koldo Tellitu Ikastolen Elkarteko lehendakaria; eta Naroa Jauregizuria Ahize-AEK-ko teknikaria, eta proiektuaren gidaria.

Unitate didaktikoaren lanketa amaitzen ari da Ikastolen Elkartea, eta datozen asteetan egingo da bere hedapena. Hori baino lehen, ordea, Barakaldoko Minas ikastetxean pilotajea egingo dute Ahize-AEK-ko teknikariek, eta azkenik, euskararen zein euskarazko kulturaren hedapenean lan egiten duten eragileen
esku jarriko da doan. Hau da, irakasleen, kultur teknikarien, programatzaileen,begiraleen edo kultur elkarteetako kideen esku, besteak beste.

Ikas unitateak euskarazko kulturaren transmisiorako eta berrartikulaziorako hainbat jarraibide eta ariketa jasoko ditu, oinarri argi batekin: gazteek eurek bilatu ditzaten euskarazko euren erreferenteak. #Damolat proiektuaren berri eman dute gaur, baina unitate didaktikoaren aurkezpen ekitaldi nagusia abenduaren 2an egingo da, Barakaldon antolatuko den Igo Bolumena! jardunaldian. Arlo ugaritako profesional eta adituen parte hartzea izango da bertan, baina gazteei eurei ere ahotsa emango zaie.

Proiektuaren asmoetako bat hori izan baita hasieratik: euskararen eta euskarazko kulturaren transmisioan gazteek aktiboki parte hartu dezaten. Jardunaldiok Ahize-AEK-k antolatu ditu, honako erakundeen laguntzarekin: Eusko Jaurlaritza, Bizkaiko Foru Aldundia eta Barakaldoko Udala. Datozen asteetan emango da jardunaldi horien berri zehatza.

PROIEKTUAREN ZERGATIA
#Damolat egitasmoaren ernamuinean kezka bat egon da, azken urteetan gero eta ageriago dagoena: Bizkaiko, Gipuzkoako eta Arabako gazte gehienek euskaraz dakite, baina hizkuntzaren erabilera ez da maila berean areagotzen ari. Ez hori bakarrik, ingurune ez euskaldunetako hiriguneetan bizi diren gazteek euskarazko kulturarekin duten harremana txikia da. Transmisioaren funtzioa ikastetxeek betetzen dute kasurik gehienetan, baina eremu horretan ere herren dabiltza askotan. Izan ere, ikastetxeetan haurrek euskarazko erreferente ugari badauzkate ere —Irrien Lagunak, Ene Kantak, Goazen, marrazki bizidunak—, ez da gauza bera gertatzen nerabeekin. Euskaratik aparte bilatzen dituzte euren erreferente kulturalak, eta egoera hori aldatzen saiatzeko ahalegina da #Damolat.

Adinean aurrera egin ahala, ikastetxeetako transmisio sareak indarra galtzen duela ondorioztatu du ikerketan Naroa Jauregizuriak: “Euskarazko mundutik jasotzen diren erreferentziak ikusezin, arrotz eta, neurri batean, deseroso ere bihurtzen dira, nahiz eta gazte gehienak euskal komunitateko parte sentitzen diren, eta hizkuntza eta kulturarekiko lotura emozionala mantentzen duten”. Ahize-AEK-ko teknikariak argi azaldu du eremu horietako gazteak izango direla euskararen etorkizuna bermatuko dutenak: “Egun euskarak aurrera egingo badu, hori hala izango da euskaradun gehien pilatzen den hiri eremuek bere
lekua hartu dutelako. Eta horretarako, halabeharrez, eremu horretan garatzeko funtzionala izan beharko du euskarak: mundua interpretatzeko, ohiko beharrizanak asetzeko, bizipenak sortzeko, komunikatzeko, komunitatea sortzeko...”. Bide horretan ekarpena egin nahi du #Damolat proiektuak.

Kezka hori partekatu du Xabier Arauzok, eta horregatik erabaki zuen aldundiak proiektuari babesa ematea: “Errealitate aldakorrean bizi dira gazteak, eta euskararen kulturaren transmisioa eragiten duten faktoreak ere aldakorrak dira. Bada, testuinguru horretan kokatzen da proiektu hau, izan ere, aurrera
eramaten ditugun ekimenak errealitate aldakor horretara egokitu behar dira. Honen harira, proiektu hau borobiltzera dator Bizkaiko Foru Aldundiak azken hiru urteetan euskararen periferian, hots, euskararen indarguneetatik kanpo bizi diren gazteen artean gure hizkuntzaren eta kulturaren transmisioa sendotzeko
aurrera eraman duen ekimena, eta hain zuzen ere Euskara Bizia Batzordearen beraren ekimenez abiatu zen. Bada, helburu orokor hori interes handikoa da Bizkaiko Foru Aldundiaren Euskara Zuzendaritza Nagusiaren euskara sustatzeko jarduketa-planaren barruan”.

Euskararen eta euskarazko kulturaren transmisio sarean dauden gabeziez jabetuta, proiektuarekin bat egin du Ikastolen Elkarteak, eta ikerketatik ateratako ondorioekin #Damolat unitate didaktikoa diseinatu dute. Koldo Tellitu lehendakariak hala azaldu du: “Ikastolak aspaldi ari gara ohartarazten ikasleen euskararen erabilerak eta kalitateak behera egin dutela. Garbi dago kezka partekatua dela, euskararen eta euskal kulturaren ezagutzan, transmisioan eta hedapenean gehiago egin behar dugula, egiten dugunean sakondu eta indartu eta bide berriak jorratu behar ditugula”.

Elkarlanaren beharra ere nabarmendu du Tellituk: “Konbentzituta gaude herri gisa eman beharreko erantzunak behar ditugula. Gai honetan funtsezkoa izango da hezkuntzatik, euskalgintzatik eta kulturgintzatik erantzutea; erakunde publikoetatik ere bai. Eta erantzuna elkarlanaren ondorioa bada, are eta emaitza hobeak lortuko ditugu”.

PROIEKTUAREN FASEAK
Ahize-AEK-ko Naroa Jauregizuria teknikariaren ikerketaren abiapuntua Mondragon Unibertsitatearen Euskal Kulturgintzaren Transmisioa aditu tituluan dago. Bertan egin zuen hiriguneetako gazteek euskararekiko eta euskarazko kulturarekiko duten harremanaren lehen hurbilketa. Oinarri teoriko hori praktikara eramateko, Ahize-AEK-k elkarlanerako hitzarmena sinatu zuen Bizkaiko Foru Aldundiarekin.

Leioako hiru ikastetxetan 2018an egin ziren lehenengo hurbilketetan hasierako hipotesiak baieztatu ziren, eta euskararen zein euskarazko kulturaren sustapenean laguntzeko baliabideak behar zirela ondorioztatu zen. Ahize-AEKren eta aldundiaren arteko elkarlanak aurrera jarraitu zuen, eta Berritzeguneak ere inplikatu ziren hurrengo fasean. 43 irakasleren iritziak bildu ziren, eta 77 ikasleren ekarpenak ere jaso zituzten. Finean, unitate didaktikoa sortzeko prozesuan gazteekin elkarlanean aritu ziren hizkuntza aholkulariak.

2020 hasieran egin ziren pilotaje horiek lau ikastetxe hauetan: Getxoko Aixerrotan, Bilboko Gabriel Aresti eta Txurdinagako Lanbide Eskola, eta Portugaleteko Ballontin. COVID-19 gaitzaren eraginez, pilotajea bi fasetan egin behar izan zen, eta 2021 otsailean amaitu zen lanketa. Ikasleen ekarpenei esker joan dira unitate didaktikoaren hezurdura egokitzen, eta Ikastolen Elkarteak lanketa amaitzen duenean, azken pilotajea egingo dute Barakaldoko Minas ikastetxean. Horren guztiaren ondoren, lan tresna doan erabili ahal izango dute euskara eta euskarazko kultura gazteen artean sustatu nahi duten eragileek.

Berritasunak dakartza 2021/2022 ikasturtean AIZU! aldizkariak, AEK-k euskara ikasten ari direnentzat beren-beregi argitaratzen duen hilabetekariak. Berritasunak bai paperean bai webgunean. Batzuk zein besteak aldizkariaren 40. urteurrenean datoz, 1981ean sortu baitzen AIZU!, euskara ikasleen bidelagun eta lagungarri izateko asmoz. 40 urte hauetan, hainbat aldaketa izan ditu, betiere irakurlearen mesedea helburu, eta oraingo moldaketek ere xede bera dute.

Diseinu berria
Paperezko aldizkariari dagokionez, diseinu berria dakar 460. zenbakiak, 2021eko irail-urrikoak. Aldaketa nagusiak itxurarekin lotuta daude. Irakurterrazagoa izan dadin, diseinu arin eta argiagoa du orain. Horretarako, besteak beste, irudiak garrantzi handiagoa hartu du.

Forman ez ezik, edukian ere aldaketak izan ditu. Aldizkariaren atal nagusiak egokitu eta berriak sortu dira; azkeneko horiek behe mailet
 ako euskara ikasleak izango dituzte gogoan, batez ere. Esaterako, galdera sorta labur eta arinak eskainiko zaizkie irakurleei hilero kultur orrietako Idazlea kontu kontari eta Musikaria mintzo atalen bidez. Xabier Etxaniz Rojok eta Maite Arroitajauregi Mursegok estreinatu dituzte, hurrenez hurren, bi atal berri horiek.
Edukiei dagokienez, ohiko gaiak lantzen jarraituko du: kultura, gizartea, kirola, euskara, bitxikeriak... betiere euskara ikasten ari direnentzat propio moldatuta eta euskara ikasteaz batera euskal kultura ezagutzeko bideak zabalduta. Era berean, aldizkariaren erdialdeko Ez da hain fazila 8 orrialdeko atalak bere horretan jarraituko du, denbora-pasez, hizkuntz jolasez eta zalantzak erantzuteko zerbitzuaz osatuta

460. zenbakiak dakartzan eduki nagusien artean honako hauek topa daitezke: Hedoi Etxarteri eta Aiora Mujika Probatxoari eginiko elkarrizketak; Araban proiektu eolikoek sortu duten eztabaidari buruzko erreportajea; eskuzko emakume pilotari profesionalen Ados Pilota elkartearen gaineko
erreportajea; kontsumitzaileen eskubideei buruzko erreportajea; AIZU!ren historiako pasarteak...

aizu.eus berritua
Diseinua, ordea, ez da AIZU!k irailean abiaturiko aldaketa bakarra. Izan ere, Aizu.eus webgunea ere berritu du, bai itxura bai izaera. Orain arte, aizu.eus paperezko aldizkariaren erakusgarri izan da nagusiki; aurrerantzean, aldiz,
paperezkoa eta digitala elkarren osagarri izango dira. Paperezko zenbakiko eduki asko berdin- berdin sareratuko dira, baina beste zenbait soilik harpidedunen eskura egongo dira. Horretarako, harpidetza mota berriak eskainiko ditu AIZU!k: paperezko harpidetza arruntaz gain, harpidetza digitala edota digitala eta paperezkoa uztartzen dituena. Harpidetza digitalarekin, hileroko zenbakia e-postaz jasoko da PDF formatuan. Digitala eta paperezkoa egiten duenak, berriz, paperezko zenbakia postontzian eta digitala e-postaz jasoko ditu, eta aizu.eus-eko harpidedunen txokoan zenbaki zaharrak eta eduki guztiak ere ikusi ahal izango ditu. Hortaz, AIZU!ren eduki guztiez gozatzeko, harpidetza paperean edo digitalean egitea ezinbestekoa izango da, edota kioskoan zenbakia eskuratzea.

Bestalde, eduki berriak ere izango ditu webguneak, besteak beste:
- Izenen izana atala, orain arte paperean bakarrik argitaratzen zena eta irakurleek eskatzen dituzten izenen jatorria arakatzen duena.
- Argazki galeria, elkarrizketa nagusiko eta erreportajeetako irudiak biltzen dituena.
- Paperezko aldizkariak hilero antolatzen dituen bi lehiaketak webgunearen bidez bideratuko dira.

Nolanahi ere, aizu.eus-en berrikuntza ez da amaitu. Pixkanaka, moldaketak egingo zaizkio webguneari, edukiak osatzeko edota berriak gehitzeko.

AEK-k hartu du Soziolinguistika Klusterraren lehendakaritza, bazkideen artean egiten den txandakako sistemari jarraituz. Ordezkari gisa, Mertxe Mugika izendatu dute.

Aldaketak eginda eta ardura banaketa berrantolatuta, gaur egun honako osaera du Soziolinguitika Klusterraren Zuzendaritzak:

Euskaraz Kooperatiba Elkartea (AEK) (Lehendakaria) – Ordezkaria: Mertxe Mugika
Euskaltzaleen Topagunea (Lehendakariordea) – Ordezkaria: Jasone Mendizabal
Elhuyar aholkularitza (Diruzaina) – Ordezkaria: Maddi Etxebarria
Gipuzkoako Urtxintxa Eskola – Ordezkaria: Maite Asensio
ARTEZ Euskara Zerbitzua – Ordezkaria: Estiñe Astorkia
Emun Kooperatiba Elkartea – Ordezkaria: Anaida Agirre
Mondragon Unibertsitatea – Humanitate eta Hezkuntza Zientzien Fakultatea (HUHEZI Koop. E.) – Ordezkaria: Eneritz Garro
Udalerri Euskaldunen Mankomunitatea (UEMA) – Ordezkaria: Miren Segurola
Eusko Ikaskuntza – Ordezkaria: Ibon Manterola
Soziolinguistika Klusterra (Bulego teknikoa) – Ordezkaria: Asier Basurto
Soziolinguistika Klusterraren zuzendaria (Idazkaria) - Imanol Larrea

Duela hiru urte ezartzen hasi zen lehendabiziko plana amaitu da, baina, era berean, Osasunaren eta AEKren arteko hitzarmen berria sinatuta, bi erakundeek elkar hartuta segituko dute. C.A. Osasunaren estatutu sozialek dioten moduan, gaztelania eta euskara direla klubaren berezko hizkuntzak, eta, ondorioz, biak erabiliko direla normaltasunez jarduera guztietan. Bada, xede hori bat dator AEKren misioarekin: herritarrek eta eragileek, egunerokoan, euskara normaltasunez erabiltzea.

Gainera, oraingo abiapuntua bestelakoa da; azken hiru urteetan, Osasunak aurrerapausoak eman ditu eta horretan ari dira lanean. Hainbat eremutan euskararen presentzia eta erabilera areagotu da, baina argi dago oraindik ere lan handia dagoela egiteko, eta, beraz, beharrezkoa bezain pozgarria da AEKren AHIZE hizkuntza aholkularitzak gidatzen duen planaren berritzea.

Aurten ere, AEKren Praktikatu zerbitzuak hainbat aukera eskaini nahi dizkizu: astean behin mintzataldean bildu eta patxadaz hitz egin; Gurasolagun egitasmoko tailerrak; bestelako jarduerak, hitzaldiak, txangoak, irakurzale-klubak... Beraz, interesik baduzu, eman izena, zabalik dago-eta horretarako epea. Primeran sentituko zara denetan zure helburua beteta: euskara praktikatzea eta lagun berriekin euskaraz egitea

Oraindik ere ezohiko egoeran jarraitzen dugunez, pandemia dela eta, beharrezko prebentzio-neurri guztiak hartuko ditugu mintzapraktika taldeetan eta ekitaldi guztietan. Horrez gain, aurrez aurreko eskaintza osatze aldera, urriaren amaieran ONLINE taldeetan parte hartzeko aukera luzatuko dugu.

Hortaz, gure eskaintza erakargarria iruditzen bazaizu, jo euskaltegira, euskara-elkartera edo euskara-zerbitzura edota bete fitxa hau.

Datorren asteazkenean, hilak 15, inaugurazio ekitaldia izango da, arratsaldeko 18:30ean hasita.

Ikasturtea hastear, irakasleak azken ukituak ematen ari zaizkie datozen urteetan lantoki izango dituzten lokalei. Izan ere, euskaltegi berria hiru esparruz osatuta dago, Zuberoa kaleko 16. eta 18. zenbakien artean: erdikoan, harrera tokia, bulegoa, irakasleen gela, tutoretza gela eta ikasgela bat egongo dira; ezkerrekoan, hiru ikasgela; eta eskuinekoan, hainbat aukera eskaintzen dituen areto handia, garbia. Lokalak barrutik ez daude lotuta, baina kanpoan estalpe ederra dutenez, batetik bestera erraz eta eroso ibili ahal izango dira ikasleak zein irakasleak. Euskaltegi berria Araba kalean zegoen egoitza zaharretik hurbil dago, eta Zarauzko Udalak 25 urterako egindako lagapenari esker eskuratu du AEK-k, obrak egitearen truke.

Argazkia/informazioa: AIZU! aldizkaria

Urte honen amaieran, AIZU! aldizkariak 40 urte beteko ditu, eta dagoeneko, ospakizunerako, irail-urriko 460. alean, jantzi berria dakar soinean. Berrogeigarren urteurrena beteko duen honetan, urtebetetzeari dotore heldu nahi izan diogu, aldizkariaren itxura goitik behera aldatuta. Hori gutxi balitz, guztiz eraberritu dugu www.aizu.eus webgunea ere bai. Euskara ikasten ari diren horientzat oso lagungarria da AEK-k hilero argitaratzen duen aldizkaria. Haiek doan jasoko dute gure euskaltegietan. Etxean jaso nahi izanez gero, harpidetza egin dezazu edota... Liburudenda eta kioskoetan eskura dezakezu!

AIZU!rekin irakurriz gozatu eta gozatuz ikasi!!

   INFORMAZIOA/MATRIKULAZIOA

 · Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. 

·  639 440 615

Matrikulazioa zabalik AEK-ko euskaltegietan, aurten ere ohiko ikastaroekin jarraitzeko.

Osasun-neurrietara egokituta, arrakasta handiz amaitu da aurreko ikasturtea, eta urrian hasiko den kurtso berrian berdin segitzea espero dugu, eta ikasleek, AEKn, euskara ikasteko bidelagun onena izango dute. Gaur, irailak 1, 2021/22 ikasturteko matrikulazio kanpaina aurkeztu dugu Iruñean.

Euskara ikasteko garaia berriz hemen dugu, euskara maila hobetzeko, euskara erabiltzen jarraitzeko. Ate joka dugun ikasturte berriari begira, asko ikasi dugu. Eta ziur gaude, iazko esperientziatik abiatuta eta pandemiaren bilakaeran aurreikusten den hobekuntza tarteko, 21-22 ikasturtean, euskaltegietara hurbiltzen diren herritarrek inguru seguruago bat topatuko dutela. Gainera, izena ematen dutenek irakasleen laguntza izango dute, gertu-gertutik. Irakasleak gai direlako ikasleak ikasprozesuan aurrerantz egin dezan, eta, bestetik, euskaraz bizi denaren pasioz, irakasleak nahi duelako euskaltegian matrikulatzen den pertsonak ikas dezala.

Urrian hasiko den ikasturtean, ohiko ikastaroekin jarraituko dugu, betiere unean uneko osasun-neurrietara egokituta, eta prebentzio neurri guztiak hartuta. Hala, hauek izango dira AEKn euskara ikasteko aukerak:

-Euskaltegietan, aurrez aurreko taldeak: ohiko euskalduntzea eta mailak egiaztatzeko ikastaroak.
-Autoikaskuntza euskaltegian.
-Eredu konbinatua, aurrez aurreko eskolak eta autoikaskuntza uztartuta.
-Online ikastaroak.
-Foruko barnetegia, Urdaibaiko biosfera-erreserban, urte osoan zabalik.

Beraz, etxeko eta lagun arteko harremanak euskaraz izateko, lan-egoera hobetzeko, bilatzen ari diren euskara-maila ezagutzeko, eta abar, herritarrek AEKn aukera ugari dute. Informazioa jasotzeko eta izena emateko unea da; hilabete osoan, deialdi hori lau haizetara zabalduko dugu, eta, aurten, gainera, irakaslea eta ikaslea batera elkartzen dituen AEKren bizidekarra herriz herri ibiliko da.

Bestalde, amaitu aurretik, azpimarratu nahi dugu erakunde askok (udalek, aldundiek, mankomunitateek, Jaurlaritzak nahiz Nafarroako Gobernuak..) diru-laguntzak ematen dituztela. Euskal Autonomia Erkidegoan, hain zuzen, B2ra arteko prozesua doakoa,
maila egiaztatuz gero. Diru-laguntzen gaineko informazio hori, ikastaroena, hizkuntza- agiriena eta abar webgune honetan eta euskaltegietan aurkituko duzue, horretarako propio prestatu baitugu.

Argazkian, AEKren koordinatzaie Alizia Iribarren eta Artezkaritza kide Aize Otaño, Aitziber Balantzategi, Iñaki Urkijo, Xabi Gartzia eta Bixente Claverie. Bizidekarrean, Arantza Goienaga, irakaslea, eta Kepa Ventura, ikaslea..

Bukatzeko, kartelaren protagonistei ere eskerrak emate: Ixiar Eratsun (irakaslea) eta Kike Palma (ikaslea)

Dagoeneko, hondartzan, igerilekuan, euskaltegian edota beste edozein lekutan irakur dezakezue, ziur udako arratsalde edo goiz pasa atseginagoa izango duzuela!

Eduki interesgarriz beteta dago, besteak beste, Erik Jaka pilotariari zein Dom Campistron Ilustratzaileari egindako elkarrizketak eta etxetik oso urrunera jo gabe, udara pasatzeko plan bikainak.

On egin eta uda on!!

Euskara administrazioan arautzeko Nafarroako Gobernua prestatzen ari den dekretu berria «atzerapausoa» izanen da eta euskaldunen eskubideak murriztuko dituela argi dago. Hori dela eta, Nafarroako Gobernuari iraganeko hizkuntza-politika ilunak baztertu ditzala eskatzeko mobilizazioa deitu du Kontseiluak. Uztailaren 2an izanen da, 18:30ean, Iruñeko Baluarte plazatik abiatuta eta Euskaraz bizitzearen alde, batuz. Eskubide murrizketarik ez! lelopean.

Bada garaia eskubide murrizketak ahalbidetuko dituen dekretuaren aurka ozen eta sendo agertzeko. Justiziaren, berdintasunaren eta kohesioaren aldeko aldarria eginen dugu ostiralean.

Duela 50 urte Rikardo Arregik idatzitako gutuna gogoan, AEK-k eskutitz bat helarazi die, datozen urteetan euskalduntze mugimendua sendotzeko garatu beharreko arloak zein diren adierazteko; halaber, hitzordu bana eskatu die, gogoetak partekatzeko.

Dinamika otsail erdialdean jarri zen abian, hainbat ardatz zituelarik, baina batik bat aurten ere euskalduntze-mugimenduaren garrantzia plazaratzeko. Martxoaren 28an Euskal Herriko 90 bat herritan ekitaldiak antolatu ondoren, agintari politikoengana jotzeko unea iritsi da orain. Argi dago oraindik lan handia dugula egiteko; beraz, euskaltegi guztiak dira beharrezko, baldin eta jendarte euskalduna amets badugu. Horretarako, euskaltegi sendoak behar ditugu, Euskal Herri osoko herritarrei euskara ikasteko aukera emateko baldintza egoki guztiez hornituta; alta, helburu hori bete ahal izateko, EAEko, Nafarroako eta Ipar EHko administrazioetatik bultzada estrategikoa eman behar zaio arloari, ezinbestean.

Bide horretan, AEK-k nabarmendu nahi du EAEko Kultura eta Hizkuntza Politika Sailak orain gutxi Herri Ekimeneko Euskaltegi Sarearen finantzaketa egonkortzeko eman duen pausoa, baliagarria izango da-eta hurrengo urteetan sektorea indarberritzeko.

Hemendik aurrera, AEK-k abiapuntuko proposamena partekatuko du administrazio publiko guztiekin: Eusko Jaurlaritzaren Kultura eta Hizkuntza politika Saila eta HABE, Nafarroako Gobernuaren Herritarrekiko eta Erakundeekiko Harremanetarako Departamentua eta Euskarabidea, eta Euskararen Erakunde Publikoa; AEKren ustez, unea iritsi da Helduen Euskalduntzea benetan normalizatzeko eta langintza horretan nahitaezko diren beste zenbait esparrutan ere eragiteko. AEK Euskal Herri osoan aritzen da, eta, hortik abiatuta, lanketa bateratu baten beharra aldarrikatzen du; era berean, lurralde bakoitzeko administrazio(ar)en errealitatea aintzat hartuta, orain arte egindako urratsak tartean, berariazko lanketa egin nahi du administrazio bakoitzarekin.

Bilera-sorta amaituta, AEK-k horien balorazioa egingo du, etorkizun hurbilean euskalduntze-mugimenduak zer-nolako baldintzak izan behar dituen lau haizeetara zabalduta.

AEK-k, erakasle izan nahi luketen guziei ateak zabaltzen dizkie maiatzaren 31tik ekainaren 4ra. Ipar Euskal Herriko Gau Eskoletan klase idekiak eta buruz-buruko hitzorduak antolatuko dira, helduen erakaskuntzarako erabili materiala eta pedagogiaren ezagutarazteko.
Xehetasun gehiago: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. - 05 59 25 76 09

Hainbat euskaltegitan ikastaro trinkoak eskainiko ditugu. Ikusi hemen eskaintza:

ARABA: Laudion eta Gasteizen.

BIZKAIA: Arratia, Barakaldo, Bilbo, Busturialdea, Durangaldea, Enkarterri, Ermua, Hego Uribe, Meatzaldea, Sestao, Uribe Butroe, Txorierri, Uribe Kosta, Portugalete eta Santurtzi.

GIPUZKOA: Andoain, Bidasoa, Debagoiena, Donostia, Eibarraldea, Goierri, Hernanialdea, Urola, Urola Kosta eta Oarsoaldea

NAFARROA: Iruñerrian eta Erriberan


Trinkoak ez ezik, udan bi asteko barnetegiak zein online ikastaroak egiteko aukera daukazue. Udan ere, AEK zure bidelagun!

Iazkoa aurtengo urtera atzeratu ostean, maiatzaren 21etik 29ra egingo da Ar Redadeg bretoieraren aldeko lasterketa. Pandemiak eragotzi zuen iaz, eta urteon ere guztiz baldintzatuko du. Osasun neurriak zorrotzak izanik ere, ekimenari eustea erabaki dute antolatzaileek, bi urtez jarraian atzeratzea eutsiezina zaielako. Izan ere, Ar Redadegen bildutako dirua bretoiera bultzatzeko eta zabaltzeko hainbat egitasmori laguntzeko baliatzen dute. Ondorioz, unean uneko osasun neurriei erabat egokituta egingo dute. Esaterako, korrikalariek elkarri ematen dioten lekukoa ez da eskuz esku ibiliko, baizik eta lasterketan doan antolatzaileen furgonetan. Korrikaldia izan bitartean antolatzen diren ekitaldiak ere bertan behera utziko dituzte. Une oro indarrean diren osasun neurriak beteko dituztela berretsi dute antolatzaileek. Gainera, egoera zaildu egiten bada eta errepidera ateratzea debekatzen badiete, Ar Redadeg modu birtualean egingo dute. Oraingoz, eta baldintzak okerrera egin ezean, maiatzaren 21ean abiatuko da Karaeztik (Carhaix), eta 29an amaituko Gwengampen (Guingamp). Korrika oinarri hartuta, 2008an egin zuten lehenbizikoz Ar Redadeg. Ordutik, bi urtean behin antolatu dute, iaz izan ezik. Ondo bidean, datorren urtean ere egingo dute. 

AEK-KORRIKAren ordezkariek ere breotieraren aldeko lasterketan parte hartuko dute. Izan ere, kilometroa egingo dute hilaren 28an, ostiralarekin.

Artxiboko irudia

Bilboko AEK-ko ikasleen udaberriko topaketa hilaren 27an izango da. Egitarau polita prestatu dute Bilboko lagunek:

Goizean,  9:00etan eta 10:30ean, Indautxu plazan (Indautxu) Bea Egizabalen umorezko bakarrizketaren 2 emanaldi. Arratsaldean, Basarrate plazan (Santutxu) elkartuko dira: Igela, dardoak eta mahai-jokoak 17:00etatik aurrera eta 19:30ean OLD BERRI BAND taldearen kontzertua.

Euskara praktikoa lantzeko modu zoragarria! Ondo pasa, Bilboko lagunak!!