ZERBITZUAK

AEKn, zure eskariari erantzungo dion eskaintza aurkituko duzu: aurrez aurreko ikastaroak euskaltegian, autoikaskuntza, online-ikastaroak, barnetegiak, mintzapraktika-taldeak eta jarduerak, normalizazio-planak, itzulpen- eta zuzenketa-zerbitzua, AIZU! Aldizkaria, zerbitzu didaktikoak... Azkenik, AEK-k KORRIKA antolatzen du.

EUSKARA IKASTAROAK

AEKn, hainbat modu daude euskara ikasteko: aurrez aurreko taldeak, autoikaskuntza (euskaltegian zein online) edo eredu konbinatua, aurreko biak uztartuta. Eskaintza xedeen arabera egokitzen dugu: ohiko euskalduntzea, mailak egiaztatzeko ikastaroak, kolektibo zehatzei begirakoak, mintzapraktika-taldeak...
Gainera, Foruko barnetegia urte osoan dago zabalik, Urdaibaiko biosfera-erreserban. Era berean, udan, barnetegiak antolatzen dira Euskal Herriko hainbat txokotan.

Informazio gehiago...

MINTZAPRAKTIKA-EGITASMOAK

Euskara-maila hobetu edota gehiagotan hitz egin nahi duenarentzat PRAKTIKATU zerbitzuaren mintzapraktika-programak daude: mintzalagun, gurasolagun... Jarduera zein tailerretan, euskarazko harreman-sare berriak sortzen dira. Hor ditugu kirola- eta natura-egitasmoa, udako ibiltariak, herrietako mintzodromoak... Hala, astero-astero, milaka lagun batzen dira euskara praktikatzeko eta euskaraz bizitzeko.

Informazio gehiago...

HIZKUNTZA-AHOLKULARITZA

ahize logoa

AEKren AHIZE hizkuntza-aholkularitzak euskararen normalizazioa eta erabilera sustatzea du helburu, administrazioan, enpresetan eta erakundeetan. Horretarako, aholkularitzan, metodologia parte-hartzailean eta etengabeko hobekuntzan oinarritutako zerbitzua eskaintzen du.

Informazio gehiago....

ITZULPENAK-ZUZENKETAK

Gainera, EUSKARATU zerbitzuaren bidez, itzulpen- eta zuzenketa-lanak egiten ditu AEK-k. Itzulpen idatziak (gaztelania-euskera/ euskera-gaztelania) eta euskarazko testuen zuzenketa.

Informazio gehiago....

AIZU! aldizkaria

Euskarazko hedabideak estrategikoak dira euskararen hedapenean. Hala, AEKren AIZU! aldizkaria ere oso lagungarria da euskara lantzeko eta ikasteko. Gizarteari eta kulturari buruzko erreportaje, elkarrizketa eta albiste laburrak ditu, baita komikiak, denbora-pasak eta gramatika-txokoa ere. Gomendagarria euskaldun ororentzat, eta laguntza bikaina ikasten ari direnentzat. AEK-ko ikasleek hilero jasotzen dute, doan.

Informazio gehiago....

ZERBITZU-DIDAKTIKOAK

AEK-k eskarmentu handiko didaktika-zerbitzua dauka, berrikuntzak ikertzeko eta AEKren curriculuma garatzeko; programak, ikasmaterialak eta baliabideak diseinatzeko; eta irakasleak artatzeko. Aldi berean, AEK-k mota askotako didaktika-zerbitzuak eskaintzen ditu, euskara-irakasle izateko oinarrizko ikastaroa, kasu.

Informazio gehiago....

KORRIKA

KORRIKA ere AEK-k antolatzen du. Bi urterik behin Euskal Herri osoa zeharkatzen duen ekimen erraldoia euskararen aldeko ekitaldi jendetsuena eta garrantzitsuenetakoa da. Euskararen aldeko kontzientzia pizteko eta euskaltegietako eguneroko lana indartze aldera dirua biltzeko egiten da.

Informazio gehiago....

Mezua bidali Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu