Print Friendly, PDF & Email
22
Mai

Bilboko euskara ikasleen astea

Aurten 11 urte beteko dira Bilboko Ikasleen jaia ospatzen hasi ginela. Bilboko AEK-ko ikasle guztientzako jai honetan egun osoko egitaraua antolatu ohi da eta azken urteetan, bereziki, ospakizun hau kalean egiten saiatu gara. Aurtengo egoerak behartuta, ikasleen jaia birplanteatu behar izan dute Bilboko AEKideek eta ikasleen astea (maiatzaren 25etik ekainaren 5era) prestatu dute. Nor bere etxetik aritzeko ekintzak proposatu dituzte; lau guztira:

Print Friendly, PDF & Email
22
Mai

Euskara ardatz hartuko duen etorkizun berdinzalearen alde, ‘Geroa euskaratik’ kanpaina abian jarri du Kontseiluak

Etorkizunera begira erabakiak hartzeko unea da. Covid-19ak sortutako krisiak agerian utzi baitu gizarte honen hainbat hutsune, euskalgintzan nahiz bestelako gizarte esparruetan; herritarren arteko desberdinkeria eta zaurgarrienekiko bazterketa begi bistakoa izan baita. Normalitatea deitu izan duten hori ez zelako denona. Hizkuntza eskubideen etengabeko urraketek agerian utzi dute hori, esaterako. Horregatik, normalitate berri baterantz jotzeko abagunea dugu orain, elkartasunetik eta gizarteko talde desberdinen begirunetik. Baita hizkuntza auziei dagokionez ere.

Print Friendly, PDF & Email
20
Mai

Abian da HABEren (Eusko Jaurlaritza) prozesua euskara-mailak egiaztatzeko

HABEk berrabiatu egin ditu euskara-mailen agiriak eskuratzeko egiaztatzegintza-prozesuak, COVID-19ak eragindako osasun-larrialdiaren ondorioz behin-behinean atzeratu zirenak. Matrikulazio-epeen berri eman du, deialdien eta azterketen antolaketaren ezaugarriak ezagutarazi ditu, eta, besteak beste, aurrez-aurre egingo diren azterketerako aintzat hartuko diren prebentzio- eta babes-neurriak.

Lotura hauetan, informazio osoa duzue:

http://www.habe.euskadi.eus/albistea/2020/berrabiatu-egin-dira-euskara-mailak-egiaztatzeko-prozesuak/s23-edukiak/eu/

http://www.habe.euskadi.eus/s23-edukiak/eu/contenidos/informacion/hautatu_deialdia_2020/eu_def/index.shtml

Era berean, AEKn matrikulatuta bazaude, galdetu zure irakasleari eta berak zure zalantza guztiak argituko ditu.

Print Friendly, PDF & Email

Parte-hartzaileen gogobetetze maila

Urtero bezala, mintzapraktika egitasmoetan parte hartu dutenei (berbalagun, mintzalagun, mintzakide...) inkesta egin die Praktikatu zerbitzuak. Emaitzen arabera, aurreko urteetako joera mantentzen da, hamarretik bederatzik (%91) oso ondo edo bikain baloratu dute.
 
Print Friendly, PDF & Email
06
Mai

Maiatzeko AIZU!, kalean!

Maiatzeko AIZU!, bidean! Yleinia Bagliettori eta  Iker Laurobari elkarrizketak; waterpoloan euskaraz; trinketaren aldarte eta erronkak; Xabier Etxanizen ipuin birikoa; itxialdian lanean aritu direnen lekukotasunak...
 
Hori guztia eta gehiago, AIZU! aldizkarian.
Print Friendly, PDF & Email
05
Mai

Udako euskara ikastaroak eta barnetegiak 2020

UDAN, ZER?

Aurten ere udako ikastaroak egongo dira. HEMEN duzu, adibidez, udako online ikastaroen eskaintza.

Bestalde, ezohiko egoera honen ondorioz, oraindik ez dakigu nolakoak izango diren udako ikastaroak. Barnetegiak egin ahal izango diren aztertzen ari gara; badaezpada, hemen dituzu datak eta gurekin harremanetan jartzeko modua.

Azkenik, euskaltegietako udako ikastaroak bai egingo ditugu, nahiz eta nola zehazten ari garen.

Nahi baduzu, deitu edo bidali mezua hurbilen duzun euskaltegira, ikusi

673 200 100 · 946 464 000

Print Friendly, PDF & Email
02
Mai

Euskal abestien DJ saioa Elepuntorekin!!

Konfinamendu gogorrenaren amaiera iristear, Dj Elepuntoren (Txomin Larrinaga Aramaioa AEKidea) saioa eskainiko dugu AEKren Instagramen. Gure ikasleek nahiz mintzapraktika egitasmoetako partaideek, baita herritar orok ere, aukera ederra izango dute euskaraz gozatzeko.

Maiatzaren 8an, ostiralean, izango da, 19:00etatik aurrera.

Saio hau pantaila atzean, baietz hurrengoa kalean edo areto batean! Biba zuek!!

Print Friendly, PDF & Email
26
Api

Euskara praktikatzeko Euskal Herriko topaketa birtuala

PRAKTIKATU zerbitzuak Euskara praktikatzeko Euskal Herriko Topaketa Birtuala antolatu du. Bertan, herri askotako berbalagunak, mintzalagunak, mintzakideak, ikasleak... euskaldunak batuko gara. Zeuk ere eman dezakezu izena, zatoz!

NOIZ? Maiatzaren 3an, igandea, 13:00ean
NOLA? Jitsi aplikazioan Zibergelak antolatuko ditugu, maiatzaren 2an postaz jasoko duzu zure gelaren helbidea. Igandean bertan sakatu eta sartuko zara.
IZENA EMATEKO AZKEN EGUNA: Apirilaren 30a
EMAN IZENA HEMEN: https://labur.eus/OdgUg

Print Friendly, PDF & Email
24
Api

Zer da euskalduna izatea?

Euskalduna izatea ez da herentzia bat, amama-aititek kutxatxo batean zeuretzako utzia. Ez da sortzezko dohain bat, eskuina edo ezkertia izatea lakoa. Euskalduna izatea ez da zai, zoi, bele errebelazio jainkotiar bat. Askoz ere sinpleagoa da: euskalduna izatea erabaki bat da. 
 
Eta erabakia norberea: lanerako hizkuntza lez baliatzeko, gurasoek galdutakoa berreskuratzeko; seme-alabei etxeko lanak egiten laguntzeko; poteatzeko, manifestatzeko, irakurtzeko... 
 
Ni neu euskaltegian euskaldundu nintzen: nor, nor-nork, nor-nori-nork... Perdona, lo puedes repetir?

Zelan esaten da euskaraz veuillez parler plus lentement? Arabieraz takallam abta min fadlik esaten da: hitz egin astiroago, mesedez. 
 
Eta idazlanak, eta entzuketak, eta irakurraldiak...

Papera ez da nahikoa, ordea, hizkuntza bat biziarazteko. Horrexegatik hasi nintzen Berbalagun-en: eztabaidatzeko, sukaldatzeko, mendira joateko, irakurzaletzeko... Euskaraz harremantzeko, hartzeko eta emateko; sosegu apur bat gaur, bultzadatxo bat bihar.

Erabaki bat baita euskalduna izatea. Eta euskalduna izatea zer da? Hizkuntza gutxitu bati lotzea eta, gutxienez, elebiduna izatea; izan hiztun zahar, zein berri. Hortik aurrera norberak sentitzen, pentsatzen eta praktikan jartzen duen huraxe da euskalduna izatea. Niretzat, plazer hutsa. Eta horrexegatik gura nuke euskara harrera-hizkuntza bilakarazi; hizkuntza irekia, gertukoa, noranahikoa... Bazatoz?

COVID-19aren etxealdian Durangaldeko berbalagunentzat Miren Amurizaren sortutako testua

Istorio gehiago > Birusak ·EzGaituMututuko Twitter eta Facebook
Print Friendly, PDF & Email
20
Api

Etxealditik Euskaraldira: Ohitura aldaketa etxean hasten da

Ezohiko egoera honetan, Euskaraldiak etxean eta etxetik ditugun harremanetan (gertukoekin ditugun harremanetan) ditugun hizkuntza portaerak aztertu eta horiek aldatu edo finkatzeko ariketa proposatzen digu, apirilaren 20tik maiatzaren 3ra. Horrela, azaroaren 20tik abenduaren 4ra egingo dugun Euskaraldia etxetik prestatzen hasiko gara: Etxealditik Euskaraldira.

Azalpen guztiak Kike Amonarrizen eta Euskaraldiko koordinatzaile Rita Aldabaldetrekuren eskutik:

 

Ariketa honetan parte hartzera animatzen zaituztegu. Euskaraldirako beroketa ariketak egiten, elkarrekin etxean ere euskara gehiago, gehiagorekin, gehiagotan erabiliz.

Azalpen guztiak, egunez egun proposatzen diren ariketak hemen aurkituko dituzue:  https://euskaraldia.eus/etxealdia/

Animatu eta parte hartu!

Print Friendly, PDF & Email
06
Api

KORRIKA-AEK: Kultur sorkuntzarako BEKA

AEK-k, KORRIKA kulturalaren bidez, lan bat sarituko du bi urterik behin; euskal sortzaile ororentzat izango da, diziplina anitz edo bakarra barnebil dezake, eta lanaren emanaldiek agertoki edo plaza batean aurkezteko modukoak izan behar dute.

• Bekaren xedea da euskal kulturaren baitako sormen-lanak bultzatzea, eta, 23. KORRIKAtik aurrera, KORRIKA kulturaleko ekitaldi nagusia taxutzea.

• Beka 23.000 eurokoa izango da, eta 23. KORRIKAko kulturaleko egitarauaren barruan aurkeztuko da, 2022k azarotik 2023ko apirilera, hain zuzen.

• Bekaren ezaugarri guztiak dagoeneko zabaldu dira, eta proposamenak 2020ko urriaren eta 2021eko urtarrilaren artean aurkeztu beharko dira.

• Urrats hau eginda, hemendik bi ediziotara begira jarriko gara: batetik, kultur sorkuntzari beste bultzada bat emateko; bestetik, KORRIKAko kultur eskaintza guztiz berritzeko. Hori dela eta, tartean izango den edizioa, 22. KORRIKA, 2020ko azaroan aurkeztuko dugunez, kultur eskaintza beste era batean osatuko dugu, elkarlana bultzatuz, Euskal Herrian abian izango diren sorkuntza-lanak KORRIKAn ere sustatuz eta leku gehiagora eramanez.

Bekaren oinarriak eta informazio gehiago www.korrika.eus webgunean. 

Print Friendly, PDF & Email
06
Api

Ezohiko egoeran ere, AIZU! esku artean

Konfinamendu garaian ere irakurketa atsegina nahi? Euskara ikaslea bazara edo ez bazara, AIZU! aldizkaria irakurtzera animatzen zaitugu. Apirileko alean elkarrizketa interesgarriak Felix Zubia medikuarekin eta Lian muralgilearekin.

Askotariko albisteak eta erreportajeak: Hizkuntza lankidetza; Landa eramuko zaporea hiriaren bihotzean; Iruña-Veleian, lurrak hitz egiten jarraitzen du; AZIAtik bizia!...; komikiak, denbora-pasak, kultur nobedadeak...

Hori eta gehiago, apirileko AIZU! aldizkarian. Den-dena sarean! Deskargatu alea HEMENDIK.

Eta gogoan izan, aldizkariaren azken 67 aleen eduki guztiak irakur ditzakezue.

OHARRA:

 446oharra1

Mezua bidali Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.