Euskalgintza-Hizkuntza Politika (15)

Print Friendly, PDF & Email
20
Aza

16.000 Errigora saski baino gehiago saldu dira. ESKERRIK ASKO, EUSKAL HERRIA!

Atzo, azaroak 19, Euskaraldia hastearen bezperako egunean eta saskien banaketarekin hasi garen honetan, Errigorak, Ikastolen Elkarteak, Sortzen Elkarteak eta AEK-k prentsaurrekoa deitu genuen  Euskarari puzka kanpainak emandakoaren berri emateko.

Sasi guztien gainetik, pandermia garai ilun honetan, ari-izpiak atera dira eta elkartasuna nagusitu da. Inoizko baldintza gaiztoenetan, inoiz baino ekarpen handiagoa bildu du Errigoraren kanpainak euskalgintzarako: 302.000€

Eskatu diren 16.000tik gora saskien balioaren %25ari dagokio ekarpen horren zati handiena, eta Nafarroa hegoaldean eta erdialdean euskarari hauspoa ematera bideratuko da. Zonaldeko ikastolen, euskaltegien eta hezkuntza publikoko D ereduko taldeen aldeko dinamiken lana indartzera. Baita Agerraldia egitasmo berrira ere. Baina aurten, pandemiak euskara eta euskalgintza hain estu hartu dituen honetan, Korrika atzeratu dela eta Herri Urrats zein Sortzenen jaia bertan behera geratu direla, saskiko 5 euroko ekarpen osagarria egin dugu, Korrika-ri, Seaskari eta Sortzeni zuzenean bideratzeko.

Izugarria da egungo baldintzetan herri ekimen bat 302.000 euroko ekarpena biltzeko gai izatea. Bihotzez diogu hitzez azaltzeko zaila den zirrara eragiten digula elkartasun erakustaldi honek eta inoiz baino harroago gaudela gure komunitateaz, Errigora osatzen duten sarekide, euskaltzale, ekoizle eta askotariko herritar ederrez. Eskerrik asko, beraz, erdi bakartuta gauden honetan taldean aritzeko hautua egiteagatik. Eskerrik asko egoera tamalgarri honetan euskararen alde konpromisoa hartzeagatik. Kanpainako leloak dioen bezala, egiten duguna gara.

Zorionak herriz herri kanpaina hau posible egin duzuen sarekide guztiei. Lodosatik Tolosara, Garestik Garazira, Zangotzatik Zornotzara, nork bere inguruan, dela ikastolan, eskolan, euskaltegian, elkartean edo lantegian egindako auzolanaren emaitza da hau. Biba zuek!
Errigoraren parte zareten ekoizleei, mila esker. Mila esker zuen lanaren eta maitasunaren emaitza diren produktu zoragarri hauengatik. Mila esker euskararen auziari elikadura-burujabetzarena eransteagatik, eta alderantziz. Eta mila esker aurten egindako ahalegin bereziagatik.
Eskerrik asko saskiak eskatu dituzuen herritar guztiei. Agur bero bat aurten ere errepikatu duzuen eskatzaileei, eta ongi etorri gure komunitatera lehengoz eskatu duzuenei. Alferrikakoa izango zen egindako lan guztia saskirik eskatu ez bazenute.
 
EGITEN DUGUNA GARA. ESKERRIK ASKO, EUSKAL HERRIA!! ZORIONAK eta MILA ESKER, ERRIGORA!!
Print Friendly, PDF & Email
11
Aza

Euskalgintzak behar gaitu!

Herritarren aktibazioari eta erakundeen erantzukizunari dei egin diogu Euskalgintzak denon babesa behar duelako, orain inoiz baino gehiago.
 
Hori dela eta, atzo (azaroak 10) hainbat eragileok -Kontseiluak, Topaguneak, Durangoko Azokak, Errigorak, Ikastolen Elkarteak eta AEK-k agerraldia egin genuen.
 
Print Friendly, PDF & Email
02
Aza

'Euskararen herria euskal hiztun' jardunaldiak

Euskararen herria euskal hiztun jardunaldia azaroaren 12 eta 13an izango da. AEKren koordinatzaile Alizia Iribarrenek azaroaren 13ko saioan, Zein bide egin behar da helduen euskalduntzearen sektorean hurrengo urteetan? elkarrizketan parte hartuko du.

Online jarraitu ahal izango dira eta izena ematea ezinbestekoa izango da, hemen.

 

Print Friendly, PDF & Email
24
Urr

Errigora, Euskarari Puzka!

Udazkenean Nafar hegoaldeko uzta euskarari puzka kanpaina burutzen du Errigora ekimenak. Nafarroa hegoaldeko produktuz osatutako saskiak milaka etxetara iristen dira kanpaina honetan. Kasu honetan, auzolanari esker, bertako euskalgintzari ekarpen-ekonomiko garrantzitsua egiten zaio (saski bakoitzaren balioaren %25). 2013an kanpaina lehenengoz egin zenetik eskaintzan hainbat aldaketa egin da eta egun 3 saski ematen dira aukeran. Kanpaina gaurtik (urriak 24) azaroaren 12ra egongo da martxan.

Aurtengo kanpainan Errigorak bi helburu oso argi azaleratuko ditu. Batetik, pandemiak euskalgintzari eragin dion kalte ekonomikoa murrizten saiatuko da. Eta bestetik, euskararekiko jarrera baikorrak birsortzeko ekintza praktikoak mahaigaineratuko dira Agerraldiaren bidez.

Print Friendly, PDF & Email
21
Urr

Errigora-k elkartasuna biderkatuko du

Urriaren 24tik azaroaren 12ra bitarte izango da ERRIGORAren aurtengo Nafar hegoaldeko uzta, euskarari puzka kanpaina. Horren onuradun garen elkarteek (AEK-k, Ikastolen Elkarteak eta Sortzenek) agerraldia egin genuen atzo, urriak 20, Errigorako ordezkariekin batera.
 
Ezohiko egoera honetan, elkartasuna biderkatuko dugu!
 
Ikastolen jaialdiak eta Sortzenen jaia ezin izan dira egin eta Korrika ere ez da egingo 2021ean. Horrek diru-galera handiak ekarriko dizkigu hiru erakundeoi eta ikasturte honetan, Euskalgintzak inoiz baino laguntza handiagoa behar izango du.
 
Ekarpen gehigarri horren trukean, saski beltza (betikoa) eskuratuz gero, KORRIKAren katilua* eskuratuko duzu. Saski berdea (ekologikoa) eskatuta, Seaskaren egutegia eta zuria (berezia), D ereduaren haziak.
 

(*Hasiera batean, KORRIKAren petoa ematea aurreikusita zegoen, eta kanpainaren hainbat euskarritan horrela ageri da, baina KORRIKArekin harturiko behin betiko erabakia dela eta, petoaren ordez, katilua eskuratuko duzue)

 
Euskararen lekukoa ez dadila geldi
Euskal Herri osoan, administrazio nagusiei dagokienez, euskaltegiei bideratutako baliabideak oraindik ez dira nahikoak, urratsak egin badira ere. Azpimarratu nahi dugu ezinbestekoa dela helduen euskalduntzea bizkortzea eta inbertsioak areagotzea, Euskal Herri osoak behar-beharrezkoa du-eta.

KORRIKAren sorreratik, 1980. urtean, KORRIKA antolatu zen behar nabarmen baten ondorioz, diru beharra izan zen bultzatzaile nagusia. Helburu horrek oso bizirik segitzen du, eta 2020-2021 ikasturtean, KORRIKArik ez egoteak (atzeratzeak) kalte egingo dio AEK-ko euskaltegiek Euskal Herri osoan egiten duen lan horri, zalantzarik ez. Beraz, ikasturte honetan, inoiz baino gehiago, ERRIGORAren aurtengo bultzada berezia itzelezkoa izango da “euskararen lekukoak” bere bidea jarrai dezan.

Saskiak eskuratu ERRIGORAren webgunean

Print Friendly, PDF & Email
08
Urr

Deialdia Euskarazko irakaskuntza babesteko, Baionan larunbatean

Frantziako Gobernuak euskarazko irakaskuntzaren kontra egindako erasoak salatzeko eta Euskarazko murgiltze-bidezko irakaskuntza aldarrikatzeko, jende-katea antolatu dute Euskal Konfederazioak (AEK horren partaidea da) eta hezkuntza eragileek. Hitzordua larunbatean (urriak 10) izango da, Baionako Rene Cassinen sortetxean, goizeko 11:00etan,

Alsazian, Bretainian, Flandrian, Korsikan eta Okzitanian ere eginen dituzte mobilizazioak egun horretan, Pour Que Vivent Nos Langues kolektiboak deituta.

Print Friendly, PDF & Email
22
Mai

Euskara ardatz hartuko duen etorkizun berdinzalearen alde, ‘Geroa euskaratik’ kanpaina abian jarri du Kontseiluak

Etorkizunera begira erabakiak hartzeko unea da. Covid-19ak sortutako krisiak agerian utzi baitu gizarte honen hainbat hutsune, euskalgintzan nahiz bestelako gizarte esparruetan; herritarren arteko desberdinkeria eta zaurgarrienekiko bazterketa begi bistakoa izan baita. Normalitatea deitu izan duten hori ez zelako denona. Hizkuntza eskubideen etengabeko urraketek agerian utzi dute hori, esaterako. Horregatik, normalitate berri baterantz jotzeko abagunea dugu orain, elkartasunetik eta gizarteko talde desberdinen begirunetik. Baita hizkuntza auziei dagokionez ere.

Print Friendly, PDF & Email
27
Ots

Errigora: kanpaina berria martxan!

Udaberriko kanpaina abian da: "Gure hautuez harro".

Ohi bezala olioa eta kontserbak izanen ditugu eskuragarri, arroza eta pastarekin batera. Gure euskaltegi asko izanen dira produktu hauek guztiak eskatzeko tokiak, auzolanean burutzen dugun egitasmoa, beraz.

Informazio guztia Errigoraren webgunean.

Harro gaude gure ekoizteko eraz, gure kontsumitzeko eraz, herria egiteko eraz!

Print Friendly, PDF & Email
26
Ots

Larunbatean denok Iruñera!

Azken hilabete hauetan Nafarroan euskararen kontrako eraso eta hizkuntza eskubide urraketa ezberdinak ematen ari dira: Iruñeko haur-eskoletan eskaintza murriztea, D eredua zabaltzeko oztopoak, PAItik ateratzeko zailtasunak, NUPen euskaraz ikasteko eragozpenak, LHn dagoen eskaintza urria, Pirritx, Porrotx eta Marimototsen zentsura hainbat udalerritan, euskararen ordenantza aldaketa herri ezberdinetan atzera eginez, Iruñean euskarazko komunikabideei diru laguntzak jasotzeko trabak jarri...

Eraso hauei eta euskaldunok egunero pairatzen dugun eskubide urraketari erantzun nahian, datorren larunbatean hilaren 29an, arratsaldeko 17:00ean Golemetatik abiatuko den manifestazioa deitu da.

AEK-k mobilizazioari atxikimendu eta babes osoa adierazi nahi dio eta bertan parte hartuko du.

#EuskaraEskubidea, #nimasnimenos.

 

 

Print Friendly, PDF & Email
21
Aza

Iruñean euskaraz bizitzeko eskubidearen aldeko agerraldia

Iruñean euskaraz bizitzeko eskubidea aldarrikatzeko, “Maia entzun Iruñea euskaldun!” lelopean, prentsaurreko jendetsuan parte hartzera dei egin du euskalgintzak. Hitzordua bihar (azaroak 22) izango da, 12:30ean Iruñeko Udal plazan. Ordu berean, hiriko Udalbatza bilduko da, Navarra Sumak 1997ko ordenantza baino atzerakoiagoa izanen den euskararen ordenantza berria eztabaidatu eta bozkatzeko.

Euskaraz bizi nahi dut kamisetakin eta ikurrekin bertaratzeko eskatu du euskalgintzak.

Euskaraz bizi nahi dugulako bihar Iruñean izanen gara!!

Mezua bidali Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.