AEKn euskara irakasle izateko oinarrizko ikastaroaren informazioa:

Urtarrilaren 13tik maiatzaren 30era izango da (100 ordu), eta online egingo da.

Izena emateko epea: abenduaren 13ra arte.
Prezioa: 615 euro

Egin matrikula

Informazioa eta izen-emateak: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

«Nafar hegoaldeko uzta euskarari puzka» kanpainaren 7. edizioa ate joka dugu dagoeneko, eta aurtengoa berrikuntzekin dator. Larunbatean, urriaren 12an, Agerraldia aurkeztu zuten Tafallan, aurrerantzean hizkuntzaren ezagutza zabaltzea, erabilera handitzea eta aldekotasuna indartzea izango du xede. Bestalde, aurtengo kanpainaren bigarren berritasun nagusia eskaintzaren berrikuntza izango da: 50€ko saski biren planteamendutik, izaera eta prezio desberdinetako hiru saskira pasatuko da. Beltza, betiko saskia izango da, 50€ren truke jaso ahal izango dena. Berdea 60€tan eskuratu ahal izango da, bistan denez, produktu ekologikoz osatua. Saski zuriak —berezia— 70€ko balioa izango du; gabonetako saski baten tankerakoa egin nahi izan dute, formatik bertatik ere besteetatik desberdinduz. Eskaerak azaroaren 20ra arte egin ahal izango dira.

Datorren urriaren 19an, larunbata, 12:00etan, EUSKARAZ BIZI NAHI DUGULAKO lelopean kontzentrazioa burutuko da Nafarroako Gobernuaren egoitzaren aurrean (Carlos III). Azken urteetan, urrats esanguratsurik eman ez bada ere, ez dugu atzerapausurik onartuko, ez diegu epaia aitzakitzat hartzeko aukera emanen. Nafarroako Gobernuari ausardiaz jokatzeko eskatuko diogu, lege berri eragingarri baten beharra aldarrikatuz, justizian, berdintasunean eta kohesioan oinarritutako jendarte bat eraikitzeko. Euskaraz bizi nahi dugulako, urriaren 19an kalera!

Datorren urriaren 12an, Tafallan, ekimen berri bat abiatuko da, Agerraldia. Urte batzuk dira ERRIGORA Euskarari Puzka kanpaina abiatu zela, eta aurten euskara bultzatzeko eta laguntzeko beste urrats bat eman nahi da. Tafallan, bertako euskaldunak eta euskaltzaleak protagonista eta sustatzaile izango ditu, saretzean eta elkarlanean oinarritua, eta emaitza gisa jarduera eta ekintza zehatzak ekarriko ditu. Helburua euskararen ezagutza zabaltzea, erabilera handitzea eta aldeko jarrerak indartzea da.

43 urte ditu, eta, Elizondon jaio bazen ere, hamar urte zituenetik Tuteran bizi da. Bertan egin du 25 urteko ibilbidea AEKn: irakasle hazi zen; gero Erriberako arduraduna izan zen; eta, azken urteotan, Nafarroako AEKren
koordinazio-lanetan aritu izan da. Hemendik aurrera, AEKren koordinatzaile nagusiaren egitekoak beteko ditu. Hasia da dagoeneko, urriaren 1ean, AEKren euskaltegietako ikasturte hasierarekin batera.

Twitter kontua ere zabaldu du: @AliziaAEK

AEKn euskara irakasle izateko oinarrizko ikastaroaren informazioa:

Urriaren 23tik abenduaren 13ra izango da (100 ordu), eta online ( online-jarduerak nahiz talde-saioak)* egingo da.

Izena emateko epea: urrriaren 22ra arte.
Prezioa: 615 euro

Egin matrikula

Informazioa eta izen-emateak: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

*Bost talde-saioen datak hauek izango dira, online ere bai:

1. Urriak 24/25
2. Azaroak 31
3. Azaroak 7/8
4. Azaroak 14/15
5.Azaroak 28/29

Ostegun arratsaldeak edo ostiral goizak aukeran, data horietan (ikastaroa abiatzean, partaideek adostuko dute tutoreekin). Talde-saioen ordutegia: 09:30etik 12:30era edo 16:00etatik 19:00etara.

• On-line lanari dagokionez: bataz besteko 2,5 ordu egunean.

Euskara erakaslea izan nahi ?

Bada, Iparraldeko AEKn ateak zabalik dauzkazu, GAU ESKOLAK ZABALIK aurtengo kanpainan!

Saioak ekainaren 3tik 7ra izango dira, Baionan, Biarritzen, Donibane-Ziburun, Garazi-Baigorrin, Itsasun eta Ustaritzen. (Klika egin HEMEN aukera guztien zehaztapenak irakurtzeko).

Erakasle gaiei, ongi etorri !

Oraino dudakor ?
BIDEO HAU begiratu dezakezu...
Zu ere, zatoz gurekin !

Zabalik da dago udako mintzatalde eta berbataldeetan apuntatzeko epea.

Uda honetan euskara praktikatu nahi duzu, giro lasai eta lagunkoian? Hementxe duzu aukera bat: udako berbalagun eta mintzalagun taldeak.

Zerbait hartzeko, paseoak emateko, jardueratan parte hartu eta txangoak egiteko...

Ikasturtea amaitzearekin batera, talde batzuk desagertu egiten dira; beste batzuk, aldiz, partaide berriak hartu eta birsortu egiten dira. Horietakoren batean parte hartu nahi baduzu, zure herriko euskaltegian izena eman edo bete FITXA HAU.

...eta ez ahaztu, hau guztia DOHAINIK dela!

Izena emateko azken eguna: ekainaren 14a.

 Ekainaren 1ean, Urduñako merkatuan, GURE HIZKUNTZA, GURE ELIKADURA, GURE MUNDUA topaketaren hirugarren edizioa antolatu dugu VSF-Bidezko Elikadura elkarteak eta AEKren Praktikatu zerbitzuak, Urduñako udalaren laguntzarekin.

PRAKTIKATUko lagunek prest dituzte KIROLA ETA NATURA egitasmoko ekaineko ekintzak.

Hauexek dira:

• Ekainaren 09an URKIOLATIK IPIZTERA IBILBIDE ZIRKULARRA (14km). Tartean, Santa Kruz apaiza-gerrileroren ezkutalekua bisitatuko dugu. Izena emateko azken eguna: ekainak 6.

• Ekianaren 23an ITXINATIK ZEHARKALDIA. Atxular begitik sartu, Supelegor kobazuloa bisitatu eta Kargalekutik aterako gara. Izena emateko azken eguna: ekainak 20.

Kalean da apirileko AIZU! aldizkaria, prest KORRIKArako!

21. #KORRIKA atarian, Mad Muasel eta La Furia azalean; Ramon Olasagastiri elkarrizketa; Zorokiain, bertan behera utzitako herria berpizten; Minerva, gaurko aldizkaria antzinako inpentan; KORRIKAren hasiera eta amaiera egunak; bestelako liburutegiak...

Aizu!, egin #Klika! Zure / gure erritmora!

Egun ederra, maiatzeko AIZU! kioskora heldu zaigun astelehen hau!

Iñaki Sotori eta Paula Estevezi elkarrizketak, Andetxako “Bizitzarako margoak”, Artsakh errepublikara bidaia, Ama Esnearen Euskal Bankua, 21. KORRIKA argazkitan...

Bestalde, hil honetako aleak ere badakar erreportaje berezi bat: migratzaileen harreraren alde eta arrazismoaren eta xenofobiaren kontra, Ongi Etorri Errefuxiatuak plataformak antolatutako “M5 Herrien arteko besarkada” ekimenaren ingurukoa.

Laster, AEKren euskaltegi guztietan eta kioskoetan. Eskura ezazue!

Sail honetan topatuko dituzu Igogailua fikziozko sailaren kapitulu guztiak.

Entzuteko eta gozatzeko ez ezik, Igogailuak euskara lantzeko ere balio izango du. Izan ere, Igogailuaren bost kapituluak ardatz, ariketa sorta prestatu eta sareratu dugu AEKn. Kapitulu bakoitzarekin lotuta, zenbait lanketa topatuko ditu erabiltzaileak: bai podcasta entzun aurretik bai entzun ostean egin beharrekoak. Guztiak edonork libreki egiteko moduan, hau da, erregistratu beharrik gabe. HEMEN

 Igogailua, AEK-k eta Hiru Damatxok ekoitzitako podcast bidezko fikziozko sail bat.Gidoia eta edizioa: Hiru Damatxo. Ahotsak: Nerea Arriola eta Nerea Aranburu aktoreak

AEK-k 2018/19 ikasturteko matrikula bat zozkatuko du AEK-ko ikasleek proposatzen dituzten lagun guztien artean.

AEK-ko ikaslea zara? Baduzu euskara ikasi nahi duen lagunik? Nahi adina lagun proposa dezakezu, galdetegia beteta.

Ezagutzen duzu AEK-ko ikasleren bat? Esaiozu zure izena proposatzeko eta galdetegia betetzeko.

Jasotzen ditugun izen guztien artean 2018/19 ikasturterako matrikula bat zozkatuko dugu. Era berean, sariduna gonbidatu duen ikasleak % 50eko beherapena izango du ikasturte horretako matrikulan.

ERABILERARI BURUZKO BALDINTZA OROKORRAK ETA DATU PERTSONALAK BABESTEKO POLITIKA

Mesedez, irakurri arretaz erabilerari buruzko baldintzak web-gune hau erabili baino lehen. Web-gune hau erabiliz gero, erabiltzaileak inplizituki baldintza hauek onartzen ditu. Horiekin bat ez bazaude edo zalantzarik baduzu, ez erregistratzea eta web-gunea ez erabiltzea eskatzen dizugu.

1. NOR GARA?

AEK-k ondorengo helbidea du: Txakur Kalea 1, 4.a, 48.005, Bilbo. Web-gune honekin edo bere zerbitzuekin zerikusia duen edozein kontutarako honako telefono zenbaki honetan harremanetan jar zaitezke: 944 159 512. Bestela, honako posta elektroniko honetara jo dezakezu: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.. www.aek.eus domeinua AEKrena da.