Mar
Apiriletik aurrera, online ikastaro gehiago!
Honako ikastaro hauek eskainiko ditugu, apiriletik aurrera, online: boga ikastaroak, itzulpegintza ikastaroa, eta azterketak prestatzeko ikastaroak (A1, A2, B1, B2, C1 eta C2).
Informazioa eta izen-emateak: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
Ikastaroen ezaugarriak:
BOGA ikastaroak
Boga metodologia oinarri hartuta online ikastaroak.
Hiru hilabete (72 ordu, 222 €), sei hilabete (144 ordu, 444 euro)
Mintza-saioak aparte kontratatu behar dira (ordubete astero).
Solteak (43,75 € ordua) eta taldean (5 pertsona gutxienez; 8,75 euro ordua).
Hasierako unitate baten eredua hementxe.
Itzulpengintza ikastaroa. Apirilaren 20etik ekainaren 19ra.
30 orduko ikastaroa. 246 €. Programa hemen.
Azterketak prestatzeko 30 orduko ikastaroak.
30 orduko ikastaroak. A1etik C2 atarikora: 161 €
30 orduko ikastaroa, C2 201 €
Birusak EZ GAITU MUTUTUKO
Informazioa: birusak #EzGaituMututuko
Mar
EUSKARAZ KOOP. E.ren Ohiko Batzar Nagusia atzeratuko da
Euskaraz Koop. E.ren Estatutu Sozialetako 32. artikuluan xedatutakoari jarraituz, Artezkaritza Kontseiluak Euskaraz Koop. E.ren Ohiko Batzar Nagusirako deialdia egin zuen martxoaren 28rako.
Une honetan ezarritako larrialdi egoeraren ondorioz, ezinezkoa da bazkideon osasuna zaintzeko eskatzen diren segurtasun bermeak betetzea eta, ondorioz, 2020ko martxoaren 17an burututako Artezkaritza Kontseiluaren bileran OHIKO BATZAR NAGUSIA ATZERATZEA erabaki dugu.
Larrialdi egoera hau normaltzen denean, deituko dugu berriro.
Lehendakaria
Aitziber Balantzategi Ibargoitia
Bilbon, 2020ko martxoren 17an
Mar
'Hamaika Gara' manifestuarekin bat
AEK-k aldekotasuna adieraziko dio Gure Eskuk, gainontzeko eragileekin batera, martxan jarri duen Hamaika Gara herri ekimenari.
Altxa. Sinatu. Erabaki.
Mar
AEKn ere bat egiten dugu Mugimendu Feministak deitu duen zaintzak kudeatzeko mahaiarekin
Duela hiru egun, Euskal Herriko Mugimendu Feministak deialdia egin zien Euskal Herriko eragile nagusiei, Covid-19 gaitzak sortu duen egoeraren aurrean; bertan, eskatzen du mahai tekniko bat osatzea, berrogeialdiak larritutako krisi-zaintzari heltzeko. AEKn ere bat egiten dugu manifestu horrekin, eta, ere berean, mugimendu feministari nahiz Euskal Herriko eragileei geure prestutasun osoa erakusten diegu, eman behar diren urratsetan parte hartzeko.
Aurten adierazi genuen bezala, AEK-k abian du lau urteko berdintasun-plana, egunerokoan ikuspegi feminista txertatzeko asmoz, hel diezaiogun. AEK-k indarrean du 2019-2023 epealdirako berdintasun-plana
Mar
Euskara ikasleentzako bertsoa Jon Maiaren eskutik
Jon Maia bertsolariak Twitterren abian jarri duen ekimena aprobetxatuta, gonbidapena egin genion euskaltegietako ikasleei bertso bat idazteko. AEKren izenean, Jon, ESKERRIK ASKO!
Euskara ikasleok, hemen duzue:
Milaka ikasle zuen etxetan
isolatuta zaudete
baina euskara ez da hustuko
nahiz eta gelak ez bete
zenbat ahalegin, zenbat denbora
zenbat amets, zenbat neke
Zenbat “baneki”, zenbat “bagina”
zenbat “ahal da”, ”baliteke”
Beste baldintza bat sartu zaigu
ez muga eta ez epe…
isolamendu oro
hizkuntzen azkena izan daiteke
baina ikasleak, zuek bai, zuek
nola utzi esateke...
etsipenaren birusarentzat
antidotoa zarete
Jon Maia
Doinua: Martxa baten lehen notak
Jarraian jasotako bertsioak dauzkazue. Eskerrik asko!
Mar
Coronavirus: nota de AEK
Hemos cerrado todas nuestras oficinas y euskaltegis de Hegoalde e Iparralde, pero aún así seguimos trabajando. Aunque las clases presenciales quedan suspendidas, estamos ofreciendo a nuestro alumnado seguimiento online, en la medida de lo posible. Continuamos con nuestra actividad, lo mejor que podemos dadas las circunstancias: planes de normalización, servicio de traducción, revista AIZU!, preparando la edición número 22 de KORRIKA...
Podéis contactar con nuestro profesorado, dinamizadores/as, técnicos/as... por teléfono (673 200 100) o rellenando el formulario que encontraréis en la página de inicio de esta web.
Y EN VERANO; ¿QUÉ?
Este año también habrá cursos de verano. Aquí tienes, por ejemplo, la oferta de los cursos de verano online. Por otra parte, debido a esta situación tan excepcional, aún no sabemos cómo serán esos cursos de verano. Estamos estudiando si cabrá la posibilidad de realizar los barnetegis; por si acaso, aquí tienes sus fechas y nuestros datos de contacto. Por último, sí se realizarán los cursos de verano de los euskaltegis, pero en este momento estamos concretando de qué manera se llevarán a cabo. Si te interesa, llama o escribe a tu euskaltegi más cercano. AQUÍ.
Eskerrik asko eta heldu goiari!
Mar
Angel Ibisate euskaltzain urgazlea eta Arabako AEK-ko sortzaileetarikoa zendu da
Angel Ibisate Lozares euskaltzain urgazlea hil da Gasteizen, 87 urte zituela. Arabako AEKren sortzaileetako bat. 1970ean sortu eta idazle arabar baten izena zuen irakasle-talde batean parte hartu zuen: Juan Bautista Gamiz taldea (edo M. Iradier Elkarteko irakasle-taldea). Gasteizko gau-eskolak ere talde horrexen inguruan bildu ziren eta hori izan omen zen Gasteizen zegoen euskal mugimendua egituratzeko lehen urratsa eta, talde horretako partaide izandako batzuek diotenez, AEKren ataria.
Une latz hauetan, AEK-k bat egiten du familiaren saminarekin. Goian bego.
Argazkia: Euskaltzaindia
Mar
Martxoko AIZU! hemen da
Martxoko AIZU! iritsi zaigu! Askotariko gaiak oraingoan ere, eta tartean, Bea Severri eta Iñaki Madariagari elkarrizketak; euskal mendiak eta ibaiak; org domeinua; lehenengo dendak...
Horrez gain, Asier Arroitaren abenturak Asian... Gehiago jakin nahi baduzu, lasai, AEK-ko ikaslea bazara, euskaltegian jasoko duzu ale bat doan. Bestela, segi bizkor kioskora eta eskuratu aldizkaria edo egin harpidetza.
Hainbat eduki eguraldi kaxkarrari aurre egiteko!