Berriak - : Euskal Herriko AEK

JALGI HADI! Dokumentalarako crowdfunding kanpaina

Berriak (96)

AEK omendu zuen larunbatean ZEID FEST Gaztea jaialdiak

08
Abr

AEK omendu zuen larunbatean ZEID FEST Gaztea jaialdiak

Ohorezko ate irekiera eta zinta mozketa egokitu zitzaion larunbatean AEKri Zeid Fest Gaztea 2025 jaialdian, BEC!en. AEK-ko Nazio Kontseiluko Lurdes Etxezarreta, eta Barakaldoko AEK-ko zuzendari den Argiñe Sangradorrek hartu zuten hitza ateak zabaldu aurretik.

BEC-en atarian bildu zen AEKren ordezkaritza goizean goiz, eta Kittu elektrotxarangaz lagundurik, Zeid Festeko pabilioi sarrerara hurbildu zen musika doinuekin: "Araban bagare", "Euskal Herria Korrika", "Bizi ganoraz", "Guk euskaraz" eta "Euskaldu berriaren balada" kantekin AEK kideak izan ziren lehenak BEC musikaz blaitzen.

Lurdes Etxezarretak aipatu legez, AEKn ohituak gara omenaldiak egiten, baina ez hainbeste jasotzen. Halere, biziki eskertu zuen: AEKren xedea Euskal Herriko biztanle guztiak euskaraz eroso bizitzea da, eta Zeidfest Gaztea jaialdiak horretarako aukera ematen du: euskal musikaz, giro onean, eroso, aske eta, jakina, euskaraz aritzeko gune horietako bat da, dudarik gabe, jaialdi hau. Eskerrik asko, beraz, gu aintzat hartzearren eta gure ikasleei, irakasleei eta euskal herritarrei, oro har, musikaz euskaraz eroso gozatzeko aukera paregabe hau eskaintzeagatik.

Argiñe Sangradorrek, bestalde, zinta mozketa egiteko ohorea izan zuen, eta Ezkerraldeko euskararen egoerari heldu zion: "Sarri egiten dugu berba euskararen arnasguneei buruz; bada, zorionez, hauen guztien ahaleginari esker, gero eta ohikoagoa da Barakaldon, eta Ezkerralde osoan, arnasguneak topatzea, alegia, euskaraz eroso bizitzeko guneez gozatzea".

54433712615 7a22c33665 c

admin

Berriak

AEK omenduko du larunbatean Zeidfest Gazteak

02
Abr

AEK omenduko du larunbatean Zeidfest Gazteak

Zeidfest Gaztea festibalaren eta bertara joango direnen omenaldia jasoko du AEKk Barakaldoko BECen, apirilaren 5ean egun osoz ospatuko den jaialdian. Hori dela eta, AEKren esku egongo da aurtengo irekiera ekitaldia, eraikineko sarrera nagusian goizeko 10:30ean hasiko dena.

Bertan bildutako lagun guztiak Kittu elektrotxarangaren konpainian sartuko dira BECen, laugarren pabiloiraino. Txarteldegiaren parean egongo da jaialdia inauguratzeko moztu beharreko zinta, eta han egingo diete ongietorria AEKren Nazio Kontseiluko kide Lurdes Etxezarretak eta Barakaldoko AEKko zuzendari Argiñe Sangradorrek. Hitzalditxo labur baten ostean, Sangradorrek zinta moztu eta ofizialki hasiko da festibala.

AEKk bereziki eskertu du Zeidfest Gaztearen omenaldia, jaialdi hau “euskal musikaz, giro onean, eroso, aske eta euskaraz aritzeko gunea” delako. Hain zuzen ere, Euskal Herriko biztanle guztiak euskaraz eroso bizitzea da AEKren xedea, eta horretan dihardu egunero bere euskaltegietan, handik irtetean, ikasleak gure hizkuntza arlo guztietan erabiltzeko aukera izan dezaten: lagunartean, familian, lanean, aisialdian...

Hori dela eta, AEKk gonbita luzatu die “gure irakasle, ikasle, mintzalagun, berbalagun eta gainerako AEKideei eta euskaltzale guztiei, euskaraz eroso bizitzeko gune horretan elkarrekin disfruta dezaten”. Non eta Barakaldon, Euskal Herriko gune erdaldunetako batean: “Gogoan ditugu, batez ere, Barakaldon, Ezkerralde osoan eta, Ezkerraldean bezala, Euskal Herriko gunerik erdaldunenetan euskara ikasten ari diren ikasleak; zorionez, horien guztien ahaleginari esker, gero eta ohikoagoa delako euskaraz eroso bizitzeko guneez gozatzea”. Horregatik izango du Barakaldoko AEKko zuzendariak zinta mozteko ohorea.

Izan dadila BEC euskaldunon eta euskaltzaleen arnasgune datorren larunbatean!

admin

Berriak

Abenduaren 27an euskarari arnasa berri bat emateko ekitaldia egingo du Kontseiluak Bilbon

01
Abr

Abenduaren 27an euskarari arnasa berri bat emateko ekitaldia egingo du Kontseiluak Bilbon

Euskararen normalizazio eta biziberritzeak erronka handia du esku artean. Eta bultzada sozial handia beharko da erronka hori euskararentzako aukera bihurtzeko. Iazko Euskararen Egunaren testuinguruan, urrats bat aurrera egin eta larrialditik indarraldira bideari ekiteko beharra aldarrikatu genuen Kontseiluko bazkideok, eta 2025a euskararentzat eta euskal hiztun komunitatearentzat urte garrantzitsua izango dela iragarri genuen.

Alde batetik, akordio soziopolitiko berri bat bideratzeko lanean sendo ari garelako eta lehen emaitzak badatozelako. Zentzu horretan, erakundeei, eta eragile sozial eta politikoei dei egin genien euskararen auzia, euskararen normalizazio eta biziberritzea agenda politikoaren lehen lerrora ekartzeko, lehentasunetan jartzeko, egiturazko arazoei erreparatzeko.

Bestetik, herritarrak gonbidatu genituen euskararen normalizazio eta biziberritzeak behar duen arnasa berri horren kide eta bultzatzaile izatera. Abendurako ekimen sozial handi baten proposamena egingo genuela iragarri genuen.

Hain zuzen ere, horretara gatoz: herritarrei egindako gonbidapen hura berritu eta zehaztera. Sinetsita gaude euskarak behar duen Pizkunde berria gure historia sozial garaikideko beste kinka larrietan bezala herritarren kidetza eta bultzadatik etorriko dela. Horregatik, 2025eko abenduaren 27an milaka euskaltzale batuko dituen ekitaldia egingo dugu Bilbon, Bilbao Arenan, euskarak behar duen indarraldia gorpuzten hasteko lehen urratsa. Ekitaldi hori Pizkunde horretarako bidean etorriko diren beste mobilizazio batzuen abiaburu izango da, eta garrantzitsua da lehen urrats hori sendo ematea.

Bagoaz larrialditik arnasa berritzera. Elkarrekin egingo dugu bidea.

Albistea osorik Kontseiluaren webgunean.

admin

Berriak

19
Mar

Jalgi Hadi sortu da!

Mirokutana ekoiztetxeak eta AEK-KORRIKAk “Jalgi Hadi” proiektua jarri dute martxan. Helburua euskararen iragana, oraina eta etorkizuna ardatz izango dituen dokumentala diruz laguntzea izango da.

“Jalgi Hadi” izeneko Crowdfunding kanpaina abian jarri dugu, euskarari eta Korrikari buruzko ikus-entzunezko bat zabaltzeko eta sustatzeko; kanpainak martxoaren 17tik apirilaren 25era iraungo du, eta “Goteo” plataformaren bitartez bideratuko da. Horrez gain, prentsan eta sare sozialetan ere izango du isla.

Zalantzarik gabe, dokumental hori AEKren eta Korrikaren proiekturik anbiziotsuenetakoa izango da, eta, era berean, atzerrian gure leihoa zabaltzeko aukera paregabea berma diezaguke, Korrikaren izena munduan zabalduz. Izan ere, AEK-KORRIKAn argi dugu hamarkada honetan egiten ditugunak, edo ez ditugunak, euskararen etorkizuna markatuko dutela. Hausnartzeko eta eragiteko garaia da, eta dokumental hau, Korrika mundu zabalean ezagutarazteko ez ezik, horretarako tresna izatea nahi dugu.

Jarraitu Jalgi Hadiri sare sozialetan, eta egin zeuk ere ekarpena euskalgintzari!

Ekarpenak hemen: “Jalgi Hadi” Crowdfunding kanpaina

admin

Berriak

Euskaraldia: izena emateko epea, zabalik!

17
Mar

Euskaraldia: izena emateko epea, zabalik!

Badator 2025eko Euskaraldia. “Elkar mugituz egingo dugu” lelopean, maiatzaren 15etik 25era egingo da aurten Taupak antolatutako euskararen erabilera aktibatzeko ariketa.

AEKk izena eman du entitate gisa, eta AEkideak ariketan parte hartzera gonbidatu ditu. Zeuek ere izena eman, elkar mugituz egingo dugu-eta!

Gogoratu! Rola aukeratzean (“ahobizi” zein “belarriprest”), gakoa jokaeran dago, ez gaitasunean.

admin

Berriak

Badator Esaera Zaharren Sopelako Txapelketaren 30.edizioa

13
Mar

Badator Esaera Zaharren Sopelako Txapelketaren 30.edizioa

Apirilaren 5ean ospatuko dugu Sopelan Esaera Zaharren Txapelketaren 30. edizioa, “Eguzkixak nora, zapixak hara” lelopean. Parte hartu nahi izanez gero, erraz duzue: bi, hiru edo lau laguneko taldea osatu, izen dotorea pentsatu, 100 esaera zaharren zerrenda ikasi, eta erreserba-fitxa bete (martxoaren 31 baino lehen, egun hori barne).

Ohi legez, Sopelako udaletxeko plazan 11:00etan elkartuko gara antolatzaile, parte-hartzaile, bertsolari eta goiza musikaz alaituko duten lagunak, txapelketa bera 11:30ean hasteko. Goiza tabernaz taberna emango dugu, bertsoak entzuten eta horiekin bat datozen esaerak identifikatzen, erabaki arte zein taldek jarraituko duten aurrera. Ondoren, bazkaria izango dugu Artadi garagardotegian, eta bertan segituko du lehiak arratsaldean; finalaurrekoetan eta finalean, Libe Goenaga eta Asier Alcedo bertsolariak izango ditugu gurekin. Finala amaituta, 20:00etan, musikaz lagunduta itzuliko gara herrigunera.

Parte-hartzaile guztiek oroigarri bana jasoko dute, eta bestelako sariak ere egongo dira.

Aurten, bestalde, 30. edizioa izanda, beste hitzordu batzuk izango ditugu:

• Apirilak 3, osteguna, kanta-poteoa Sopela Kantariren eskutik.
• Apirilak 4, ostirala, 17:30 joaldunak (17:30), 18:00 umeen dantzaldia eta askaria (18:00) eta disko-festa (19:00)
• Apirilak 10, osteguna, “Esalegeak gurean” hitzaldia, Akaitze Kamiruagaren eta Iñaki Gilisastiren eskutik.
• Maiatzak 20, asteartea, Adolfo Arejitaren hitzaldia, esaera zaharren gainean.

INFORMAZIOA:
> Oinarriak
> Esaeren zerrenda
> Azalpenak

AEKren Praktikatu zerbitzuaren webgunean informazio guztia, HEMEN.

admin

Berriak

Apirilaren 6an euskararentzat justizia aldarrikatuko dugu Baionan

12
Mar

Apirilaren 6an euskararentzat justizia aldarrikatuko dugu Baionan

kartela ehe baiona AEKk bat egin du Euskal Herrian Euskarazek Baionan apirilaren 6rako "Justizia euskararentzat" lelopean deitutako manifestazioarekin eta AEKren Ipar Euskal Herriko ordezkaritza izango da bertan. Aurkezpen-prentsaurrekoan ere parte hartu dute Ihintz Oliden koordinatzaileak eta Maider Heguy lehendakariak.

Gorde data: apirilak 6, 11:30ean. Baionako Justizia Auzitegian.

admin

Berriak

Maite Zaitut festa: sarrerak AEKren euskaltegietan salgai!

11
Mar

Maite Zaitut festa: sarrerak AEKren euskaltegietan salgai!

Maiatzaren 3an Pirritx, Porrotx eta Marimototsi herri-omenaldia egingo zaie, eta AEKko kideok ere bertan izango gara.

Sudurgorriek 37 urte daramatzate taula gainean euren abestiekin belaunaldi osoak hezten, eta euskararen transmisioa ahalbidetzen. Euskara ez zutenean, euskara ikasteari edota hobetzeari ekin zioten. 22.Korrikaren omenaldia jaso zuten, eta oraingoan ere AEKk bere esker ona adieraziko die.

Esan bezala, festa erraldoia maiatzaren 3an izango da, BECen. Sarrerak hemen eskuratu daitezke: www.nikeremaitezaitut.eus. Baita gure euskaltegietan ere. 100 euskaltegi ditugu, hemen gaude!

Baliatu euskara eroso bizitzeko aukera paregabea!

admin

Berriak

Eskutik eskura, "beste modura denona da onura"

10
Mar

Eskutik eskura, "beste modura denona da onura"

Iritsi da beste urte batez etxeko despentsak urte osorako Nafarroa hego eta erdiadeko produktuz betetzeko garaia. Eskutik Eskura kanpainak kontsumitzeko modu erraz eta denontzat onuragarri bat eskaintzen digu (ekoizle zein kontsumitzaileontzat).

Aurtengo uzta prest da! Ez galdu oliba olioa, arroza, pasta, kontserbak, ardoak... beste modura kontsumitzeko aukera hau. Sartu errigora.eus atarian, egin eskaera eta jaso zure herrian!

Martxoaren 26ra arte soilik!

admin

Berriak

07
Mar

AEKren irakaskuntza plana, labean

AEKren irakaskuntza plana marrazten saio parte-hartzailean elkartu dira hainbat AEKide gaur (martxoak 7), Gipuzkoako Ganberan, Donostian.

Bertan erakundearen egoera pedagogikoaren azterketaren gaineko hausnarketak eta iritziak trukatu dituzte didaktikariek eta irakasleek.

Eskerrik asko parte hartu duzuen kide guztioi!

admin

Berriak

Martxoak 8: faxismoaren kontra, ausardia eta aliantza feministak!

Famili’On egonaldia: aste oso bat, euskararen munduetan barna

AEK omenduko du Zeidfest Gaztea jaialdiak

EUSKARAZ KOOP. S.ren Ohiko Batzar Orokorrerako deialdia

Página 1 de 7

Mezua bidali Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

Website

wrtwrt

Zalantzarik al duzu?

Bidali zure galdera eta

laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Pribatutasun-politika irakurri eta onartu egin dut.

Last Name

wrtwrt

¿Tienes dudas?

Envía tu pregunta y

te respondremos

pronto

Los datos personales facilitados serán tratados por Euskaraz Kooperatiba Sozietatea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., como se explica junto a información adicional de protección de datos en nuestra política de privacidad.

He leído y acepto la política de privacidad.

Website

wrtwrt

¿Tienes dudas?

Envía tu pregunta y

te respondremos

pronto

He leído y acepto la política de privacidad.

Phone

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Sozietateak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

Pribatutasun-politika irakurri eta onartu egin dut.

Phone

Zalantzarik al duzu?

Bidali zure galdera eta

laster erantzungo dizugu

Pribatutasun-politika irakurri eta onartu egin dut.

Name

Zalantzarik al duzu?

Bidali zure galdera eta

laster erantzungo dizugu

Pribatutasun-politika irakurri eta onartu egin dut.

Name

Zalantzarik al duzu?

Bidali zure galdera eta

laster erantzungo dizugu

Pribatutasun-politika irakurri eta onartu egin dut.

Website

Berriak (96)

Mirokutana ekoiztetxeak eta AEK-KORRIKAk “Jalgi Hadi” proiektua jarri dute martxan. Helburua euskararen iragana, oraina eta etorkizuna ardatz izango dituen dokumentala diruz laguntzea izango da.

More...