Berriak (26)

Print Friendly, PDF & Email
07
Jul

Esaera zaharren Sopelako lehiaketa, bertan behera

Esaera Zaharren Sopelako Lehiaketako Antolakuntza Taldeak bilera egin du, eta honako erabakiok hartu ditu:

1- Aurten, 2020an, ez da txapelketarik egingo, egoeraren ziurgabetasunak eraginda.
2- Hortaz, hurrengo lehiaketa 2021ean egingo da; printzipioz, apirilaren 24an, Korrika eta Aste Santua pasatuta.

Print Friendly, PDF & Email
23
Jun

Normaltasun berria, euskaratik eta euskaraz

Alarma egoerak agerian utzi dituen gabeziei aurre egiteko urgentziazko neurriak aurkeztu ditugu Kontseiluko kideok. Oraindik ez dakigu COVID-19aren eragina zenbatekoa izango den, ezta zer nolako bilakaera izango duen ere. Dakiguna da krisi honek agerian utzi dituela gure gizartearen gabeziak, eta, ondorioz, zaurgarrienak eta gutxitutakoak izan direla kaltetuenak. Hizkuntza-eskubideen kasuan beste hainbeste gertatu da: ​euskal hiztun komunitateon eskubideak zapalduak izan dira ustezko berehalakotasunaren eta lehentasunaren izenean, eta euskalgintzarekiko erakundeen babes falta​ are begibistakoagoa izan da.

Krisiak sortu dituen kalteei aurre eginez, hizkuntza-politikak birpentsatzea eta etorkizun hobea eraikitzea da helburua. Ekitaldian, AEKren koordinatzaile Alizia Iribarrenek hartu du parte. Bertan, Geroa euskaratik adierazpena aurkeztu da.

Irakurri adierazpena osorik hemen

Albistea osorik Kontseiluaren webgunean

Print Friendly, PDF & Email
10
Jun

EUSKARAZ KOOP. E.ren Ohiko Batzar Nagusirako deialdia

Euskaraz Koop. E.ren Estatutu Sozialetako 32. artikuluan xedatutakoari jarraituz, Artezkaritza Kontseiluak Euskaraz Koop. E.ren Ohiko Batzar Nagusirako deialdia egin du.

OHIKO BATZAR NAGUSIRAKO DEIALDIA

Eguna 2020ko uztailaren 3a.

Tokia: AGURAINgo HARRESI Aretoa

Ordua: Lehen deialdia 9:30ean. Bigarren deialdia: 10:00etan.

GAI ZERRENDA

Lehena.- Aktak onartzeko bi bazkide izendatzea.

Bigarrena.- 2019-2020 ikasturteko Kudeaketa planaren betetze maila eta 2020-2021 ikasturterako ildo nagusiak.

Hirugarrena.- 2018-2019 ekitaldiko Kudeaketa, Urteko Kontuak eta Kudeaketa-txostena aztertzea, eta, hala balegokio, onartzea.

Laugarrena.- 2018-2019 ekitaldiko emaitzak banatzea.

Bosgarrena.- 2019-2020 ekitaldiaren aurrebalantze ekonomikoa eta 2020-2021 ekitaldirako aurreikuspen ekonomikoa aurkeztea.

Seigarrena.- Kontu ikuskaritzaren aukeraketa.

Zazpigarrena.- Barne Araudiaren 15. artikulua eta 7. atala egokitzeko proposamena.

Zortzigarrena.- Urteko Planean jasotako zenbait gairen inguruko proposamenak aztertzea (zerbitzu orduen banaketa, korrika...).

Bederatzigarrena.- Artezkaritza kontseiluko kideen hautaketa.

Hamargarrena.- Indarkeria matxistaren kudeaketarako barne protokoloa.

Hamaikagarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian batzarrean hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak egiteko.

Hamabigarrena.- Galde-eskeak.

Lehendakaria

Aitziber Balantzategi Ibargoitia.

Bilbon, 2020ko ekainaren 3an

Print Friendly, PDF & Email
22
May

Bilboko euskara ikasleen astea

Aurten 11 urte beteko dira Bilboko Ikasleen jaia ospatzen hasi ginela. Bilboko AEK-ko ikasle guztientzako jai honetan egun osoko egitaraua antolatu ohi da eta azken urteetan, bereziki, ospakizun hau kalean egiten saiatu gara. Aurtengo egoerak behartuta, ikasleen jaia birplanteatu behar izan dute Bilboko AEKideek eta ikasleen astea (maiatzaren 25etik ekainaren 5era) prestatu dute. Nor bere etxetik aritzeko ekintzak proposatu dituzte; lau guztira:

1. Mikroipuinak (emandako hasiera edo hitz multzoarekin, 60 hitzetako ipuina osatu beharko dute ikasleek).

2. Bilboko AEK-ko kanta kuttunen "play-list"a osatzea (taldeek euren kantarik kuttunena aukeratu, eta jasotako guztiekin bilduma egingo dute eta youtuben argitaratu)

3. desPISTAtuak: lau egunetan zehar pista bana publikatuko da, Bilborekin zerikusia daukan zerbaiten ingurukoa. Taldeka parte hartuko dute, egunero, erantzun bakarra eman ahal izango da.

4. maskAEKrada: orain derrigorrezkoak diren maskarak atondu eta selfie bat atera. Lortutako guztiekin mosaiko bat egingo dugu eta publikatu.


Adi egon Bilboko AEKren sare sozialeei. Pista guztiak eta jasotako erantzunak bertan argitaratuko dituzte-eta.

GORA EUSKARA IKASLEAK!

Print Friendly, PDF & Email
20
May

En marcha los procesos para acreditar los niveles de euskera de HABE (Gobierno Vasco)

HABE reanuda los procedimientos para obtener los certificados de niveles de euskera, que habían sido pospuestos por la emergencia sanitaria causada por la COVID-19. Han comunicado los plazos de matriculación, las caracteristicas de la organización de las convocattorias y exámenes, medidas de prevención y seguridad para llevar a cabo en los exámenes presenciales....

En estos links toda la información:

http://www.habe.euskadi.eus/noticia/2020/habe-retoma-los-procesos-para-acreditar-los-niveles-de-euskera/s23-edukiak/es/

http://www.habe.euskadi.eus/elegir-convocatoria/s23-edukiak/es/

Si aprendes euskera en AEK, pregúntale a tu profesor/a. Te ayudaremos a solventar todas tus dudas.

Print Friendly, PDF & Email
02
May

Euskal abestien DJ saioa Elepuntorekin!!

Konfinamendu gogorrenaren amaiera iristear, Dj Elepuntoren (Txomin Larrinaga Aramaioa AEKidea) saioa eskainiko dugu AEKren Instagramen. Gure ikasleek nahiz mintzapraktika egitasmoetako partaideek, baita herritar orok ere, aukera ederra izango dute euskaraz gozatzeko.

Maiatzaren 8an, ostiralean, izango da, 19:00etatik aurrera.

Saio hau pantaila atzean, baietz hurrengoa kalean edo areto batean! Biba zuek!!

Print Friendly, PDF & Email
23
Mar

EUSKARAZ KOOP. E.ren Ohiko Batzar Nagusia atzeratuko da

Euskaraz Koop. E.ren Estatutu Sozialetako 32. artikuluan xedatutakoari jarraituz, Artezkaritza Kontseiluak Euskaraz Koop. E.ren Ohiko Batzar Nagusirako deialdia egin zuen martxoaren 28rako.

Une honetan ezarritako larrialdi egoeraren ondorioz, ezinezkoa da bazkideon osasuna zaintzeko eskatzen diren segurtasun bermeak betetzea eta, ondorioz, 2020ko martxoaren 17an burututako Artezkaritza Kontseiluaren bileran OHIKO BATZAR NAGUSIA ATZERATZEA erabaki dugu.

Larrialdi egoera hau normaltzen denean, deituko dugu berriro.

Lehendakaria
Aitziber Balantzategi Ibargoitia
Bilbon, 2020ko martxoren 17an

Print Friendly, PDF & Email
20
Mar

'Hamaika Gara' manifestuarekin bat

AEK-k aldekotasuna adieraziko dio Gure Eskuk, gainontzeko eragileekin batera, martxan jarri duen Hamaika Gara herri ekimenari.

Altxa. Sinatu. Erabaki.

Print Friendly, PDF & Email
19
Mar

AEKn ere bat egiten dugu Mugimendu Feministak deitu duen zaintzak kudeatzeko mahaiarekin

Duela hiru egun, Euskal Herriko Mugimendu Feministak deialdia egin zien Euskal Herriko eragile nagusiei, Covid-19 gaitzak sortu duen egoeraren aurrean; bertan, eskatzen du mahai tekniko bat osatzea, berrogeialdiak larritutako krisi-zaintzari heltzeko. AEKn ere bat egiten dugu manifestu horrekin, eta, ere berean, mugimendu feministari nahiz Euskal Herriko eragileei geure prestutasun osoa erakusten diegu, eman behar diren urratsetan parte hartzeko.

Aurten adierazi genuen bezala, AEK-k abian du lau urteko berdintasun-plana, egunerokoan ikuspegi feminista txertatzeko asmoz, hel diezaiogun. AEK-k indarrean du 2019-2023 epealdirako berdintasun-plana

Print Friendly, PDF & Email
16
Mar

Euskara ikasleentzako bertsoa Jon Maiaren eskutik

Jon Maia bertsolariak Twitterren abian jarri duen ekimena aprobetxatuta, gonbidapena egin genion euskaltegietako ikasleei bertso bat idazteko. AEKren izenean, Jon, ESKERRIK ASKO!

Euskara ikasleok, hemen duzue:

Milaka ikasle zuen etxetan
isolatuta zaudete
baina euskara ez da hustuko
nahiz eta gelak ez bete
zenbat ahalegin, zenbat denbora
zenbat amets, zenbat neke
Zenbat “baneki”, zenbat “bagina”
zenbat “ahal da”, ”baliteke”
Beste baldintza bat sartu zaigu
ez muga eta ez epe…
isolamendu oro
hizkuntzen azkena izan daiteke
baina ikasleak, zuek bai, zuek
nola utzi esateke...
etsipenaren birusarentzat
antidotoa zarete

Jon Maia

Doinua: Martxa baten lehen notak

Jarraian jasotako bertsioak dauzkazue. Eskerrik asko!

Aritz (Trapagaran)

Lorea (Iruñerriko AEK-ko irakaslea)

Rosa (Barakaldoko AEK-ko ikasle ohia)

Mezua bidali Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

wrtwrt

¿Tienes dudas?

Envía tu pregunta y
te respondremos
pronto

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto
Zalantzarik al duzu?

Bidali zure galdera eta laster erantzungo dizugu