HIru ardatz ditu dinamikak:
“2021eko apirileko gutuna” helaraziko diegu Euskal Herriko administrazio nagusiei, datozen urteetan euskalduntze-mugimenduak nolako baldintzak izan behar dituen jasota.
Eragileok, Bultza euskaltegiak! Bultza euskara! Mota guztietako eragileekiko lan-ildo amankomun bat ere jorratzen ari gara, eragileek aurrerapauso gehiago emateko.
Korrika atzeratzeak zuloa eragin digu aurrekontuan, zalantza barik, eta banku bidezko finantzaketaren bitartez eman diogu erantzuna. Zorpetze horri ere aurre egin beharko diogu, eta herritarren sostengua nahi dugu. Aurten bultzada txiki bat, eta hurrengo ikasturtean izango den KORRIKAk babes erraldoia jasoko duelakoan gaude, benetan behar dugu-eta. 
AEK-k gutuna igorri die Euskal Herriko administrazio nagusiei...
... Bultza euskaltegiak!-Bultza euskara! izeneko dinamikaren azken urrats gisa.
Duela 50 urte Rikardo Arregik idatzitako gutuna gogoan, AEK-k eskutitz bat helarazi die, datozen urteetan euskalduntze mugimendua sendotzeko garatu beharreko arloak zein diren adierazteko; halaber, hitzordu bana eskatu die, gogoetak partekatzeko.
Dinamika otsail erdialdean jarri zen abian, hainbat ardatz zituelarik, baina batik bat aurten ere euskalduntze-mugimenduaren garrantzia plazaratzeko. Martxoaren 28an Euskal Herriko 90 bat herritan ekitaldiak antolatu ondoren, agintari politikoengana jotzeko unea iritsi da orain. Argi dago oraindik lan handia dugula egiteko; beraz, euskaltegi guztiak dira beharrezko, baldin eta jendarte euskalduna amets badugu. Horretarako, euskaltegi sendoak behar ditugu, Euskal Herri osoko herritarrei euskara ikasteko aukera emateko baldintza egoki guztiez hornituta; alta, helburu hori bete ahal izateko, EAEko, Nafarroako eta Ipar EHko administrazioetatik bultzada estrategikoa eman behar zaio arloari, ezinbestean.
Bide horretan, AEK-k nabarmendu nahi du EAEko Kultura eta Hizkuntza Politika Sailak orain gutxi Herri Ekimeneko Euskaltegi Sarearen finantzaketa egonkortzeko eman duen pausoa, baliagarria izango da-eta hurrengo urteetan sektorea indarberritzeko.
Hemendik aurrera, AEK-k abiapuntuko proposamena partekatuko du administrazio publiko guztiekin: Eusko Jaurlaritzaren Kultura eta Hizkuntza politika Saila eta HABE, Nafarroako Gobernuaren Herritarrekiko eta Erakundeekiko Harremanetarako Departamentua eta Euskarabidea, eta Euskararen Erakunde Publikoa; AEKren ustez, unea iritsi da Helduen Euskalduntzea benetan normalizatzeko eta langintza horretan nahitaezko diren beste zenbait esparrutan ere eragiteko. AEK Euskal Herri osoan aritzen da, eta, hortik abiatuta, lanketa bateratu baten beharra aldarrikatzen du; era berean, lurralde bakoitzeko administrazio(ar)en errealitatea aintzat hartuta, orain arte egindako urratsak tartean, berariazko lanketa egin nahi du administrazio bakoitzarekin.
Bilera-sorta amaituta, AEK-k horien balorazioa egingo du, etorkizun hurbilean euskalduntze-mugimenduak zer-nolako baldintzak izan behar dituen lau haizeetara zabalduta.
martxoaren 28ko ekitaldiak
Doinua: Natxo de Felipe
Hitzak: Xabier Amuriza
Deskargatu dokumentua hemendik
Audioa deskargatzeko: saguaren eskuineko botoiarekin klik egin (audioaren gainean) eta gorde audioa honela
EUSKAL HERRIAN EUSKARAZ
Euskal Herrian euskaraz
Euskal Herrian euskaraz
nahi dugu hitz eta jolas
lan eta bizi euskaraz eta
hortara goaz,
bada garaia noizbait dezagun
guda hori gal edo irabaz.
Zabal bideak eta aireak
gure hizkuntzak har dezan arnas,
bada garaia noizbait dezagun
guda hori gal edo irabaz.
Euskal Herrian euskara
hitz egiterik ez bada
bota dezagun demokrazia
zerri azkara
geure arima hiltzen uzteko
bezain odolgalduak ez gara.
Hizkuntza gabe esaidazue
nola irtengo naizen plazara,
geure arima hiltzen uzteko
bezain odolgalduak ez gara.
Euskal Herri euskalduna
irabazteko eguna
pazientzia erre aurretik
behar duguna,
ez al dakizu euskara dela
euskaldun egiten gaituena?
Zer Euskal Herri litzake bere
hizkuntza ere galtzen duena.
Ez al dakizu euskara dela
euskaldun egiten gaituena?
Egileak: Arima Berunez Ordain eta lagunak
Musika eta Hitzak: Arima Berunez Ordain
Deskargatu dokumentua hemendik
Audioa deskargatzeko: saguaren eskuineko botoiarekin klik egin (audioaren gainean) eta gorde audioa honela
Sistema honetatik gero,
nik ez dut deus (ere) espero
dena pikutara doa hola segiz gero
nahiz (ta) ez naizen ero,
hau alda nahian edo
euskaltegira noa ni egunero.
Balio dit rapean aritzeko
itxuran dudan
ez gelditzeko
liburuen mugan
nola zugan eragiteko
esperantza dudan
balio dit esateko
zenbat maite zaitudan
ta sartzeko
tente ditudala buru ta lepo
udaletxean paperak euskaraz eskatzeko
"natzaio" eta "zatzaizkit" entenditzeko
haserrez lepo
banago gorotza txiokatzeko.
Nere moduko
hainbaten berri zuk izan orduko
izena emateari ezin egingo uko.
Heldu albora
ta gure droga
zuk proba
euskara hartzen baduzu ez zara damutuko.
KORRIKA ez da helduko karriketara,
baina altxa eskuak ta batu festara
lekukoa mingainean ibiliko gara.
Bultza euskaltegiak ta bultza euskara!
Gogorra eguneroko lana
Ulertu nahi ditut zure laztanak
bizitakoa erakutsi,
Matematika gorenak
Ondokoari irakatsi.
Aurrera bestela zainak zuri
espazioan bakarrik Gargarin Yuri
ta ez, ez da hola
unibertsoak sortzen nago
Mike Mignola.
Barrak eta kodeak
ez gara barra kodeak,
jakitun egin gaitu gure goseak
idatzi egin ditut nire ideiak
betirako.
Papera arroben artean
eskutitz bat bi mila ta hogeita batean
Dary Dary
Bat korrika bi korrika
Milaka korrikalari.
KORRIKA ez da helduko karriketara,
baina altxa eskuak ta batu festara
lekukoa mingainean ibiliko gara.
Bultza euskaltegiak ta bultza euskara!
Argazki guztiak deskargatzeko moduan, gure flickr kontuan
Egilea: AEK
Gurekin...bultzaegin dute...
