Jul
Indesa 2010 enplegu zentro bereziak euskara sustatzeko eta erabiltzeko konpromisoa hartu du
Plana AHIZE-AEKren laguntzarekin diseinatu dute, eta batzordean parte hartzen jarraitzen dugu. Indesa 2010 Arabako Foru Aldundiak irabazteko xederik gabeko enplegu zentro berezi gisa eratutako sozietate publiko bat da.
Ekitaldian, zentroko langileek "Arbuluko adierazpena" irakurri dute, non berresten duten hizkuntza berdintasunarekiko eta euskara ikasteko eskubidearekiko konpromisoa, gizarteratzeko eta laneratzeko tresna gisa.
Aitziber Balantzategi, Artezkaritza kontseiluko kidea, eta Mikel Urdangarin, AHIZE-AEK-ko kidea, izan ziren agerraldian. Argazkian, Lexuri Ugarterekin, Arabako Foru Aldundiko Euskara zuzendariarekin.
Jul
Udako AIZU! kalean
Amancay Gaztañagari eta DJ Elepuntori elkarrizketak; udan Euskal Herria ezagutzeko proposamenak; jeans urdinak hitz gutxitan...
Harpidetza: aizu.eus/harpidetu
Jun
Cursos de euskera en verano 2023. En AEK, vive el euskera de cerca. Matriculación abierta
-
Por un lado, estés donde estés, AEK te acercará el euskera: al lado de casa en varios euskaltegis se impartirán cursos para aprender euskera y preparar los exámenes de certificación. Tanto para informarse como para matricularse, lo más adecuado es acudir al euskaltegi más cercano o acceder a la página web www.aek.eus. Además, desde donde estés, contarás con una oferta de cursos online en todos los niveles. https://aek.eus/es-es/online
-
Por otro lado, barnetegis: te damos la posibilidad de vivir el euskera de cerca durante todo el día. (Forua/Arantza/Zestoa/Urepele/Mendikota) Entre ellos, también los barnetegis en familia. https://aek.eus/es-es/barnetegis
En verano se suele disponer de más tiempo y oportunidades para que aquellas personas que desean aprender euskera puedan juntarse; estés donde estés, online, en tu propio pueblo o en un lugar donde escucharán euskera, para hablarlo con los y las lugareñas y las compañeras y compañeros de clase, y para realizar otras cosas también en euskara. Todo ello, de la mano del profesorado de AEK, en un bello entorno y en un ambiente veraniego inmejorable.
673 200 100 · 946 464 000
Jun
Badugu sariduna!
Jun
‘EUSKARA LUKUAK’ plana garatu du AHIZEk
Proiektuak podcastak ere baditu; tartean, Maialen Begiristainek, AHIZE-AEK-ko kideak, ere parte hartzen du. Euskaraz eta gaztelaniaz.
Jun
EUSKARAZ KOOP. S.ren Batzar Orokor Berezirako deialdia
EUSKARAZ KOOP. S.ren Batzar Orokor Berezirako deialdia
Euskaraz Koop. S.ren Estatutu Sozialetako 31. eta 32. artikuluetan xedatutakoari jarraituz, Artezkaritza Kontseiluak Euskaraz Koop. S.ren Ohiko Batzar Orokorrerako deialdia egin du.
DEIALDIA
Eguna 2023ko ekainaren 30a
Tokia: AGURAINgo HARRESI Aretoa
Ordua: Lehen deialdia 9:30ean.
Bigarren deialdia: 10:00etan
GAI ZERRENDA
Lehena.- Akta onartzeko bi bazkide eta batzarreko idazkaria izendatzea.
Bigarrena.- Euskalgintzaren Kontseilua. (Lan ildoen aurkezpena eta Beharra Sustaturen gainean egindako kontrasteen ondorioak)
Hirugarrena.- AEK:Gure Etxea.
Laugarrena.- Kudeaketarekin lotutako zenbait proposamen (Ikasguen mapa eta z.o.-ak, 22-23 aurrebalantzea eta 23-24 aurrekontuaren aurreikuspena, egin beharreko ekarpenaren zenbatekoa, Antzinatasunaren inguruko proposamena, Korrika...)
Bosgarrena.- Kontu ikuskaritza aukeratzea.
Seigarrena.- Berdintasun plana.
Zazpigarrena.- Barne-araubideko erreglamendua.
Zortzigarrena.- Ahalmena ematea Artezkaritza Kontseiluko lehendakariari eta idazkariari Batzar Nagusian hartu diren inskribatu beharreko erabakiak notarioaren aurrean eskritura publikoan jasotzeko, hala badagokio, eta Euskadiko Kooperatiben Erregistroan inskribatuak izan daitezen egin beharreko izapideak burutzeko.
Bederatzigarrena.- Galde-eskeak.
OHARRA: Bazkideei jakinarazten zaie, Euskadiko kooperatiben legearen 24.4 eta 78.1c artikuluetan zedarritutakoarekin bat etorriz, bazkide guztiek dutela eskura kooperatibaren egoitza sozialean eta barne sarean kooperatibaren dokumentazio ekonomikoa eta Barne-araubideko erreglamenduaren berrikusketa proposamena, batzarrean landuko den gainerako dokumentazioarekin batera.
Lehendakaria
Aitziber Balantzategi Ibargoitia.
Bilbon, 2023ko maiatzaren 26an.
Jun
Ekaineko AIZU! kalean
Mikel Aylloni eta Lur Errekondori elkarrizketak; norantz doa (euskal) musika?; Buenos Aires aire zabalean; AEKren uda hitz gutxitan; asfaltoa Arabako barrunbeetan... eta beste hainbat kontu!
Harpidetza egin nahi? aizu.eus/harpidetu
Gure ikasleek doan jasoko dute AEKren euskaltegietan.
May
Zer behar dute gazteek? Euskaratik ditugun erronkak aletzen
AEK-ko kideok "Zer behar dute gazteek? Euskaratik ditugun erronkak aletzen" jardunaldietan parte hartuko dugu.
Euskalgintzaren Kontseiluak eta Eusko Jaurlaritzaren Kultura eta Hizkuntza Politika sailak lankidetzan antolatu dituzte jardunaldiak, euskaratik ditugun erronkak aletzeko eta gazteei entzuteko helburuarekin.
AHIZE-AEK-ko kide Naroa Jauregizuriak hitzaldia emango du Bilbo Handiko gazteek euskara eta euskal kulturarekin duten harremanaren inguruan.
Jardunaldiak:
Ekainak 1 - 2
Bilbo (BBK Kuna)
Informazioa: https://kontseilua.eus/zer-behar-dute-gazteek/ (egitaraua, izen-emateak...)
May
Komunitate flamenkoaren delegazio batekin bildu da AEK-KORRIKA
Azken boladan, hainbat nazioarteko ordezkarirekin biltzen ari da AEK-KORRIKA, munduko hizkuntza gutxituen inguruan aritzeko. Aspaldi ez dela, Escola Valenciana eta kitxuaren aldeko Kichwa Otavalo Kultur Elkartearen aritu ginen, eta orain Bruselako flandestar komunitatearen delegazioarekin biltzeko aukera ere izan dugu.
Euskal Herrira etorri den ordezkaritza Brusela hiriburu-eskualdeko Assembly of the Flemish Community Commission-eko parlamentariek osatu dute. Batzarra AEK-ko Bilboko egoitzan egin zen, eta flamenkoak eta AEK-KORRIKAko ordezkariez gain, HABEko Jokin Azkuek ere hartu zuen parte.
Beraiekin landutako gaiak askotarikoak izan ziren: bi hiztun komunitateen ibilbide historikoa, soziolinguistika, irakaskuntza metodologia eta didaktika, hizkuntzaren babesa eta promozioa, eta KORRIKA, besteak beste. Ikasteko doakotasunaren gaia ere jarri genuen mahai gainean (Danimarkan, esaterako, doakoak dira hizkuntza-eskolak); eta, amaitzeko, elkarlanerako aukerak ere jorratu genituen.
Bilera amaitutakoan, flandestar talde txiki bat Lizardi AEK-ko A2 mailako eskola batean sartu ziren, eta ikasleekin hitz egiteko parada ere izan zuten.