May
Komunitate flamenkoaren delegazio batekin bildu da AEK-KORRIKA
Azken boladan, hainbat nazioarteko ordezkarirekin biltzen ari da AEK-KORRIKA, munduko hizkuntza gutxituen inguruan aritzeko. Aspaldi ez dela, Escola Valenciana eta kitxuaren aldeko Kichwa Otavalo Kultur Elkartearen aritu ginen, eta orain Bruselako flandestar komunitatearen delegazioarekin biltzeko aukera ere izan dugu.
Euskal Herrira etorri den ordezkaritza Brusela hiriburu-eskualdeko Assembly of the Flemish Community Commission-eko parlamentariek osatu dute. Batzarra AEK-ko Bilboko egoitzan egin zen, eta flamenkoak eta AEK-KORRIKAko ordezkariez gain, HABEko Jokin Azkuek ere hartu zuen parte.
Beraiekin landutako gaiak askotarikoak izan ziren: bi hiztun komunitateen ibilbide historikoa, soziolinguistika, irakaskuntza metodologia eta didaktika, hizkuntzaren babesa eta promozioa, eta KORRIKA, besteak beste. Ikasteko doakotasunaren gaia ere jarri genuen mahai gainean (Danimarkan, esaterako, doakoak dira hizkuntza-eskolak); eta, amaitzeko, elkarlanerako aukerak ere jorratu genituen.
Bilera amaitutakoan, flandestar talde txiki bat Lizardi AEK-ko A2 mailako eskola batean sartu ziren, eta ikasleekin hitz egiteko parada ere izan zuten.
May
Maiatzeko AIZU! kalean!
Enkarni Genuari eta Ander Gilleneari elkarrizketak; sortzaileen Sorgingunea Ozaetan; Fraideen Xendra, ezustekoz betetako bidea; mendia, irakasgai eta ikastegi; euskarazko brebeta eta baxoa labur-labur; denbora-pasak...
Zeren zain zaudete? Eskuratu azkar!!!
Gure ikasleek doan jasotzen dute, hilero, euskaltegietan.
Abr
Garesek martxan du euskararen plan estrategikoa
Garesko Udalak AEK-ko Ahize zerbitzuaren laguntzaz osatutako plan estrategikoa aurkeztu du. Ahizek eta herriko euskaltegiko kideek gidatutako lan mahaietan 30 lagun inguruk hartu dute parte, herritarren zein udal langileen hausnarketa eta proposamenak biltzeko. Hala, egungo egoera aztertu, erronkak zehaztu eta horiek betetzeko bideak proposatu dira.
Diagnosiak euskararen kale erabilera azpimarratu du. Izan ere, iazko ekainean egindako neurketaren emaitza % 4,3koa izan da, Iruñerriko 2021eko emaitzaren gainetik eta Lizarrakoaren azpitik. Umeen artean % 9,3raino igotzen da portzentajea, baina gazteen erabilera hobetzekoen artean dago. Euskararen ezagutzak, berriz, nabarmen egin du gora azken hamarkadetan. Hazkundea, bereziki, umeen, gazteen eta familia berrien artean gertatu da (azken urteotan, 4 umetik 3 eskolatzen dira D ereduan). Alabaina, umeen eta gazteen aisialdian euskarazko eskaintza oso eskasa da.
Horrez gain, herritarrek uste dute euskararekiko jarrerak hobetu eta erabilera esparruak zabaldu direla; halere, arreta jarri beharra dago saltokien euskalduntzean, erabilera esparruak sortzen eta euskalgintzako agenteen arteko koordinazioa indartzen. Halaber, udal langileek eta euskara zerbitzuak uste dute hizkuntza paisaian, webgunean eta sare sozialetan nabarmen hobetu dela euskararen erabilera, baina asko dago hobetzeko langileen ezagutzan eta formakuntzan, lanpostuen hizkuntza profilen ezarpenean, musika eskolako eskaintzan eta, oro har, Udalaren herritarrekiko komunikazioan.
Udaleko euskara zerbitzua eta arloz arloko eragileak arduratuko dira plana ezartzeaz 2027ra bitartean. Ebaluazioa, berriz, urtean behin eginen du euskara batzordeak.
Bestalde, AEK-Ahize zerbitzua antzeko beste hausnarketa prozesu batzuk ere ari da bideratzen, hala nola, Oiartzunen, Astigarragan, Lemoan, Portugaleten edota Baztanen.
Abr
Cursos online (verano 2023)
CURSOS COMPLETOS!
Este verano, aprende euskera online.
Información: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. // 688 664 498
Para formalizar la matricula, AQUI.
-
Cursos para aprender euskera y preparar los exámenes (75 horas), de julio a septiembre. Niveles: desde a A1 a C2.
Comienzo: 3 de julio
Finalización: 29 de septiembre
Precio: 317 euros (C2, 390 euros)
En esta web: https://www.egela.aek.eus
Último día de matriculación: 23 de junio. CURSOS COMPLETOS!
-
Atarikoa C2. Curso de perfeccionamiento (75 horas), de julio a septiembre. Para las personas aprobadas en C1. Adecuado para mejorar el nivel de euskera o para realizar el curso siguiente: el nivel C2
Comienzo: 3 de julio
Finalización: 29 de septiembre
Precio: 317 euros
En esta web: https://www.egela.aek.eus/
Último día de matriculación: 23 de junio. CURSOS COMPLETOS!
-
En septiembre, cursos cortos (25 horas) para preparar los exámenes (HABE, IVAP...). Niveles: B2, C1 y C2.
Comienzo: 4 de septiembre
Finalización: 29 de septiembre
Precio: B2 y C1, 106 euros. C2, 189 euros
En esta web: https://www.egela.aek.eus/
Matriculación hasta el 21 de julio. CURSOS COMPLETOS!
• Curso de traducción (30 horas). En septiembre.
Comienzo: 4 de septiembre
Finalización: 29 de septiembre
Precio: 276 euros
En esta web: https://www.egela.aek.eus/
Matriculación hasta el 21 de julio. CURSOS COMPLETOS!
Nota: puede ocurrir que los cursos se completen antes. Así que, si te interesa, no lo dejes para el último día.
Euskal Herria mendiz mendi, ibiltariak prest!
Helburu dugu Euskal Herria oinez zeharkatu eta 15 egunez euskaraz mintzatzea. Gogoko baduzu gure herriko leku bitxiak, ohiturak, euskalkiak… hobeto ezagutu eta ibiltzea, opor ederrak pasatzeko aukera ezin hobeak dituzu hauek:
UZTAILA: 15etik 29ra
Oion-Guardia-Lagran-Maeztu-Opakua-Urbasa-Arbizu-Lizarrusti-Aizkorri-Arantzazu-Leintz Gatzaga-Otxandio-Garai-Aulestia-Lekeitio.
ABUZTUA: 07/29tik – 08/13ra
Otxandio-Leintz-Gatzaga-Arantzazu-San Adrián- Lizarrusti-Aralar-Arrarats-Belate-Sorogain-Garralda-Hiriberri-Irati-Belagua-Lintza-Izaba.
Izena eman HEMEN.
Informazio gehiago PRAKTIKATUren webgunean.
Abr
Euskalgintzak dei bateratua egin du apirilaren 22an Baionan manifestatzeko
Egiazko hizkuntza politika eta baliabideak aldarrikatuko dituzte. Frantziak euskarari ezartzen dizkion oztopoez gain, tokiko erakundeak ere kritikatu dituzte. Batetik, Azterketak euskaraz egitearen aldarrikapena ezarri dute lehen lerroan euskalgintzako eragileek. Bestetik, gainerako arloetan dituzten zailtasunak ere aipatu dira; besteak beste, agerraldian bertan, AEK-ko ordezkariek gogora ekarri dute joan den urriko prentsaurrekoan salatutakoa.
Hori dela eta, manifestaldia deitu dute apirilaren 22rako, Baionan.
Hemen duzue Ihintz Oliden, Iparraldeko AEK-ko koordinatzailea, Hamaika Telebistan
Mar
Apirileko AIZU! kalean!
Telmo Irureta aktoreari eta Josune Arakistain musikariari elkarrizketak; 'Hemen gaude' ekimena Hego Amerikan; Donostian, elkartasuna afarietan; Picassori buruzko kontuak hitz gutxitan; eta beste hainbat kontu, heltzear diren oporretan gustura irakurtzeko eta lantzeko!
Gure ikasleek doan jaso/ko dute euskaltegian. Etxean jaso nahi duenak harpidetza egitea dauka. Harpidetza digitalerako aukera ere badago: http://aizu.eus/harpidetu
On egin!!
'Kirola eta Natura' programa abian!!
2023KO TXANGOAK
- MAIATZAK 07 – TXARLAZO (Urduña)
- MAIATZAK 21 – MEATEGIEN IBILBIDEA (Alonsotegi)
- EKAINAK 21- ARTIKUTZAKO BASOA (Artikutza)
Txangoetan parte hartzea dohainik bada ere, nahitaezkoa da aurretik izena ematea. Txangoetan izena emateko bete fitxa hau.
Mar
11 enpresa berrik bat egin dute LANDUErekin 2023an, eta Durangaldeko Mankomunitatearen zerbitzuak handitzen jarraitzen du
2021eko udaberrian sortu zen LANDUE zerbitzua, eta ordutik gaur arte Durangaldeko enpresetan euskararen presentzia areagotzeko lanean aritu dira Ahize-AEK-ko hizkuntza aholkulariak. Aldaketa ugari txertatu dituzte ordutik: webguneak itzuli dituzte, lantegietako hizkuntza paisaian aldaketak egin, hizkuntza irizpideak ezarri, Lanbide Heziketako ikasleen praktikaldia euskaraz izan dadin oinarriak zehaztu... Azken batean bakoitzaren beharretara egokitutako zerbitzua ematen baitu LANDUEk.
Gaurko ekitaldian 11 enpresa berrik egin dute bat proiektuarekin, eta beraz, dagoeneko 26 dira komunitate honetako kideak. 2023an euskararen presentzia areagotzeko lan egingo dute, LANDUEk eskaintzen dizkien doako zerbitzuekin. Honako enpresa hauek gehitu dira komunitatera: Lasuen, Malda Bike, Urkiola Landa Garapena, Sorland, DEK (Durangaldea Enpresa Ekimena), Hirukobat, Padelko, Ozasan, Garaiko landetxea, Saltsan Katering eta Begilan. .
Horiez gain, 15 enpresa gehiagok osatzen dute LANDUE komunitatea. Honako hauek dira 2022tik proiektuarekin bat egiten duten enpresak: Azterlan, Lantegi Batuak, Bruss, Baque, Gran Hotel, Txirula, Dendak Bai, Durangaleko Enpresarien Elkartea, Asca, Tabira Berezi, Zornotza LH, Iurreta LH, Gure Kide, Bermeosolo eta Maristak.
Sinadura ekitaldia egin dute Durangoko Elkartegian, eta bertan egon dira Miren Dobaran Eusko Jaurlaritzako Hizkuntza Politikako sailburuordea, Xabier Arauzo Bizkaiko Foru Aldundiko Euskara Zuzendari Nagusia eta Mireia Elkoroiribe Durangaldeko Mankomunitatearen presidentea. Esan bezala, Landuerekin bat egin dute 26 enpresak, eta horietatik 20k hartu dute parte sinadura ekitaldian.
Bruss, Tabira Berezi eta Sorland hitzarmenkideek euren esperientziaren berri eman dute ekitaldian, eta euskarak marka sortzerakoan ematen duen balioa nabarmendu dute.
Turismo pilotajearen aurkezpena egin dute, eta Lanbide Heziketan egiten ari diren lanketaren berri eman.
Irakurri prentsa-oharra HEMEN.