Oct
Ezagutzaren Unibertsalizazioari buruzko bigarren jardunaldietan parte hartuko du AEK-k
Ezagutzaren Unibertsalizazioari buruzko bigarren jardunaldiak antolatu dituzte Kontseiluak eta Jaurlaritzak elkarlanean. Hiru ardatz izango dituzte, herritar euskaldunak lortzeko bide nagusiak: hezkuntza arautua, hizkuntzaren transmisioa-sozializazioa, eta helduen euskalduntzea.
Gasteizko San Prudentzio fundazioan izango dira azaroaren 10ean eta 11n, eta Jauzirako Prest izena izango dute.
AEKren ordezkaritza bertan izango da eta, azaroaren 11n, Helduen euskalduntzearen mahai-inguruan,Artezkaritza Kontseiluko kide Aize Otañok hartuko du parte. Mahai-inguru horretan, gizarte ekimeneko euskaltegietako ordezkariek euskararen beharra sustatzeari begira egindako hausnarketaren ondorioak partekatuko dituzte.
Informazio gehiago eta izena-ematea www.kontseilua.eus webgunean (azaroaren 7ra arte).
Oct
Bat egiteko garaia delako, hemen da Errigora!
Zonifikazioa gainditzeko garaia da; Nafarroa bat egiteko garaia da. Ia hiru hamarkada pasa dira euskararen legeak lurraldea hirutan zatitu zuenetik, eta bada garaia egoera bidegabe honekin bukatzeko, Nafarroa garaia bat izan dadin. Euskararekin bat egiteko garaia da. Eta horretara dator Errigora!
Kanpaina honetan saskiak eskatzea bada bat egiteko modu bat. Zonifikazioaren afera ez baita nafarren arazoa, euskararena baizik, eta datozen hilabeteak erabakiorrak izan daitezke. Kanpaina honek eskaintzen du, elkartasuna adieraztetik harago, Nafarroa hegoalde eta erdialdeko euskalgintzari baliabide ekonomikoak emateko bidea, baita haien eguneroko batailetan gainontzeko euskaltzaleen babesa eta arnasa sentitzekoa ere.
Azken urteetan egin dugun bezala, hiru saski izanen ditugu kanpaina honetan: saski beltza (55€), Errigoraren saski klasikoa, saski berdea (65€), ekologikoa, eta saski zuria (75€), berezia. Gainera, iaz egin genuen gisan, saski bakoitzean egutegi txukun bat oparituko da.
Eskatu zure saskia/k azaroaren 10era arte eta egin bat euskararekin!
Oct
Zonifikazioari Hordago! Euskararen aldeko manifestazioa, Tuteran
Nafarroako euskaldunen hizkuntz eskubideak aldarrikatuko ditu Hordago! herri ekimenak, urriaren 22an, Tuteran egingo den manifestazioan. AEK-k bat egiten du ekimen honekin eta bertan izanen da.
Euskararen aldeko eta Nafarroa osoan askatasunez bizitzeko aukerak oztopatzen dituen zonifikazioaren aurkako manifestazioa izango da. Hala, Nafarroan “ez euskaldun” izendaturiko eremuetako herritarrei dei egin diete, bereziki Erriberakoei, manifestazioan parte har dezaten. Iazko azaroan aurkeztu zuten Nafarroako Cortes herrian Hordago! herri ekimena. Zonifikazioari aurre egitea du helburu , eta arrazoi linguistikoengatik Nafarroan inolako bereizkeriarik gabe bizi ahal izatea aldarrikatzen du. Horrela jaso zuten orduan Corteseko Adierazpena izeneko idatzian. Erriberako hainbat herritarrek bat egin dute adierazpenarekin, eta Tuterako manifestazioan “euskara Nafarroa osoko hizkuntza dela” ozen aldarrikatzeko deia egin dute. Manifestazioa 17:30ean hasiko da, Tuterako Plaza Berrian.
Praktikatun, dena prest mintzapraktikari ekiteko
AEKren Praktikatu zerbitzuak abian du 2022-2023 ikasturterako kanpaina, Praktikatu euskara gurekin leloa lagun. Hala, urriaren aurreneko egunetan hasiko dira martxan, Euskal Herriko leku askotan, berbalagun, mintzakide eta mintzalagun taldeak, lagun giroan elkartu eta euskaraz aurrez aurre jarduteko. Online saioak, berriz, azaroan hasiko dira. Dagoeneko dohain eman daiteke izena talde mota guztietarako, euskaltegietan, udal euskara zerbitzuetan zein Praktikaturen www.praktikatu.eus atarian.
Praktikatu hazten ari den egitasmoa da: gaur egun, Euskal Herriko 76 herritan antolatzen ditu mintzapraktika saioak, eta 300 ekintzatik gora burutzen dira urtean, tartean, mintzodromoak. Ikasturte honetan kopuru horiek handitu egingo dira, lehendik egiten direnez gain, hiru proiektu berri jarriko direlako martxan: Zangozan (Nafarroa), Igorren (Bizkaia) eta Pasaian (Gipuzkoa). Hitanoa lantzeko Hiketalagun proiektuak, berriz, jarraipena izango du Durangaldean (Bizkaia), Arriben (Nafarroa) eta Urola Kostan (Gipuzkoa); eta elkarri hika hitz egiteko talde berrien sorrera ere sustatuko da, besteak beste, Usurbilen eta Lea-Artibain. Familientzako Gurasolagun taldeetan ere segituko dute jolasak, txangoak eta tailerrak egiten, helduek eta haurrek euskaraz batera aritzeko aukera izan dezaten.
Aurtengo udazkenean, gainera, Euskaraldiaren hirugarren edizioaren atarian gauden honetan, Praktikaturen proiektuek esanahi berezia hartuko dute, mintzataldeak euskaraz bizitzeko aukera ematen duten arigune naturalak baitira, hau da, uneoro euskaraz hitz egiteko aukera bermatzen duten guneak. Izan ere, ohiko taldeez gain, eta euskararen transmisioa sendotzeari begira, Praktikatu egitasmoak euskarazko harrema sare berriak sustatzen ditu ekintza osagarrien bidez, hala nola, asteburuko egonaldiak, barnetegi ibiltariak edota zaletasunen (natura, kirola eta kultura) araberako interes taldeak antolatuta. Ondorioz, bereziki azpimarratzekoa da horietan guztietan parte hartzen duten mintzalagunen, mintzakideen, berbalagunen eta bidelagunen ahalegina eta euskararen transmisioari egiten dioten ekarpena.
Sep
Matriculación abierta en los euskaltegis de AEK, para que miles de personas sigan con el euskera con la mejor compañía
Estamos de nuevo en la principal época de aprender euskera, de mejorar el nivel, de seguir utilizandolo...Los últimos cursos nos han demostrado que el trabajo de los euskaltegis está muy vivo.
La matriculación no cesaba de crecer en los últimos años; la pandemia había disminuido un poco el número, como es lógico, pero también en los dos últimos años hemos visto que en esta difícil situación persiste el entusiasmo de los ciudadanos que quieren aprender y mejorar el euskera, y que gracias al esfuerzo del alumnado y profesorado, cumpliendo con las medidas de protección del momento, hemos avanzado en el proceso de euskaldunización. Hemos realizado con éxito los cursos habituales junto a miles de personas. Además, el año pasado, las cifras volvieron a aumentar, y creemos sinceramente que en el curso que pronto comenzará se acercarán más personas los euskaltegis. Siguiendo las ganas que muestran miles de personas, hemos destacado la palabra EUSKARA en los soportes gráficos de la campaña, poniendo el euskera en el centro, al alcance de todos, para poner al mayor número posible de ciudadanos en el camino hacia los euskaltegis.
En los cursos de euskera, la gente contará con la mejor compañía, el profesorado de AEK, que quiere que la persona avance en el proceso de aprendizaje y conozca y utilice el euskera con pasión. Profesionalidad y entusiasmo, a fin de cuentas
En el curso que comenzará en octubre, las opciones para aprender euskera en AEK serán las siguientes:
• En los euskaltegis, grupos presenciales: cursos de euskaldunización habitual y de acreditación de niveles. • Autoaprendizaje en el euskaltegi y en casa. • Modelo combinado, combinando las clases presenciales con el autoaprendizaje. • Cursos online.
• Barnetegi de Forua, en la reserva de la biosfera de Urdaibai, abierto todo el año.
También queremos subrayar que muchas instituciones (ayuntamientos, diputaciones, mancomunidades, Gobierno Navarro, Vasco...) conceden ayudas para aprender euskera. En la Comunidad Autónoma de Euskadi, el proceso hasta el B2 es gratuito si se acredita el nivel. Este año, han aumentado las posibilidades y llegará al nivel C1, en ese caso para menores de 30 años. En Navarra este año las ayudas se han incrementado ligeramente y en Iparralde también existe una partida para aprender euskera. Nos parece muy importante que la ciudadanía conozca estas ayudas porque son un elemento imprescindible para acercarla al euskera, a los euskaltegis.
AEK Participantes: Alizia Iribarren, Aize Otaño, Aitziber Balantzategi, Iñaki Urkijo, Xabi Gartzia, Bixente Claverie, Lurdes Etxazarreta. Profesorado: Zuriñe Eguskiza eta Iñigo Ramirez de la Piscina. Alumnando: Simona Sobotovicova, Mikel Saiz eta Alex Gutierrez
Ago
Iraila-urriko AIZU! aldizkaria kalean
Fermin Muguruzari eta Ane Lindaneri elkarrizketak: Begoñako hilobiek ezkutatzen zutena; Europan barrena bizikletan; gerrako erbestearen oroitzapenak; Euskaraldia...
Udako oporren osteko lehen alea hemen da!!
Jul
Hitzekin: denok euskara doan
Hitzekin izan zen 22. Korrikaren leloa: hitza eta ekintza. Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Ekiteko ordua zela aldarrikatu nahi izan genuen; orain dela unea: euskara, hitzetik ekintzara. Aldekotasunetik konpromisora jo behar da, eta konpromisotik eragitera, erakunde orok urrats sendoagoak egin ditzaten jendartearen nahiei eta beharrei erantzuteko.
Hori dela eta, Korrikaren ingurumarian, esate baterako, dinamika bat abian jarri genuen doako ezagutzaren unibertsalizazioaren beharra ere jorratzeko. Gakoa oso argia da: euskara ikasi nahi duten herritarrek dohainik jarduteko parada izatea.
Azken batean, Euskal Herrian euskaraz biziko bagara, giltza izango da helduen artean euskaraz aritzeko gaitasun egokia zabaltzea, baita euskaltegietan zerbitzua doan jaso ahal izatea ere.
Zenbait ekimen proposatu ditugu dinamika abiatzearekin batera, helburua bistaratzeko, eta aurrerapausoak emateko eta erdiesteko. Batetik, lan-munduan, Denok euskara doan. Langileok prest izenekoa: AEK-Korrikatik elkarlan-bide bat landu dugu ELA nahiz LAB sindikatuekin, eta heldu den ikasturterako doako ikastaro laburrak antolatuko ditugu, hainbat lantokitan prest dauden langile-taldeekin. Berez, urtero eta Euskal Herriko lantoki askotan ezaguna den dinamika biderkatu nahi dugu ekimen horren bidez. Edonola ere, gehiagorengana iritsi nahi dugu, eta, batez ere, dinamikaren xedea bistaratzea da asmoa, ekintza praktiko horien bidez. Aurkezpenean langileek eurek adierazi zutenez, euskararen normalizazioa garatzeko ezinbesteko esparrua da lan-mundua, eta berau euskalduntzeko urrats zehatzak aldarrikatu zituzten: «Behar-beharrezkoa da langile guztiei euskara ezagutzeko bideak zabaltzea, horretarako denbora ziurtatzea eta zerbitzu hori doakoa izatea».
Bestalde, Donibane Garaziko adierazpena ere ezagutzera eman genuen. AEK ez ezik, beste euskaltegi askoren ordezkariak daude agiri horren atzean; hauek dira adierazpenaren sinatzaileak: Batuz Euskaltegi Elkartea (Altza-Urumea, Ulibarri, Urrats, Ilazki, Hitzez, Legazpi6, Herri Jakintza eta Udaberria), AEK, Juan Mateo Zabala euskaltegia, Gabriel Aresti euskaltegia, Errioxako IKA, Bai&by, Gotzon Garitanoaindia euskaltegia, Hegoalde euskaltegia, Bilbo Zaharra euskaltegia eta Maizpide.
Adierazpen horren bitartez, Euskal Herriko administrazio nagusiei dei egiten zaie, bertan hauxe jasota: «Unea da euskal herritar orori euskara ikasteko bidea doakoa izan dakion neurriak hartzeko. Proposamen eta bide ezberdinak ezagutzen ditugu. Elkar gaitezen eta osa dezagun, elkarlanean, eta berandu baino lehen, guztiok doan ikasteko bide-orria».
Egun hauetan, hain zuzen ere, bilera bana egingo dugu lurralde administratibo bakoitzeko erakundeekin (Ipar Euskal Herria, Nafarroa eta Euskal Autonomia Erkidegoa), proposamen horri heltzeko.
Berdintasunaren eta kohesioaren izenean, jendarteak euskal hiztun berriak behar ditu, eta justiziazkoa da euskara doan ezagutzeko eskubidea errealitate bihurtzea.
Jul
Udako AIZU! aldizkaria hemen da!!
Jun
Cursos intensivos de verano (Hego Euskal Herria)
En muchos de nuestros euskaltegis ofrecermos cursos intensivos de verano:
ARABA: Laudio y Gasteiz.
BIZKAIA: Arratia, Barakaldo, Bilbo, Busturialdea, Durangaldea, Enkarterri, Ermua, Hego Uribe, Meatzaldea, Sestao, Uribe Butroe, Txorierri, Uribe Kosta, Portugalete y Santurtzi..
GIPUZKOA: Andoain, Bidasoa, Debagoiena, Donostia, Eibar, Goierri, Hernanialdea, Urola, Urola Kosta y Oarsoaldea
NAFARROA: Erribera e Iruñerria
Además de cursos intensivos en nuestros euskaltegis, en verano ofreceremos barnetegis y cursos online. En verano seguimos acompañandote.