Fév
2020. urtean ere, KORRIKA nonahi
Euskararen aldeko ekimenaren 22. edizioa 2021. urtean izango bada ere, Europako hainbat tokitan Korrika oinarri hartuta sortu diren zenbait ekimenen txanda izango da aurten.
Egutegian, lehendabiziko hitzordua LA PASSEM da, okzitanieraren aldekoa. Apirilaren 30ean abiatuko da haren bigarren edizioa, eta maiatzaren 3an Angelura iritsiko da, Bokaletik Euskal Herrira sartu ostean.
Maiatzean, halaber, KORRIKAren “ahizpa” garrantzitsuena etorriko da: AR REDADEG, bretoieraren alde. Gau eta egunez Bretainia zeharkatzen duen korrikaldia Euskal Herrikoaren isla da, lekuko, mezu sekretu eta guzti. Aurtengoa zazpigarren edizioa izango da. Maiatzaren 23an bukatuko da
Guingamp hirian, eta, ohi bezala, Euskal Herriko ordezkaritza ere han izango da. Izan ere, hainbat tokitan autobusak antolatzen dituzte hara joateko.
Geroxeago, maiatzeko azken igandean, SPROCHRENNER! ekimenaren ordua izango da, Alsazian. KORRIKAren ahizpa berri hau —aurtengoa lehen edizioa da— maiatzaren 31n abiatuko da, eta 340 kilometro egingo ditu: Alsazia hegoaldetik iparraldera zeharkatuko du, Bale herritik Wissembourgera.
Egutegian zehaztuta ez badago ere, galestarrek iragarri zuten aurten RAS YR IAITH ekitaldiaren hirugarren edizioa egingo dutela. Beraz, galesaren alde ere aterako dira errepidera.
Amaitzeko, 2018ko maiatzaren 5ean zabaldu zen Kemperreko adierazpena gogoratu nahi dugu, zeinetan EUROKORRIKA osatu zen, hizkuntzen aldeko lasterketen sare europarra, alegia. Hauexek sinatu zuten: KORRIKA (euskara), Euskal Herria: Correlingua (galiziera), Galizia; Correllengua (katalana), Katalunia; Course Lingua (okzitaniera), Aran Harana; La Pasem (okzitaniera), Biarno; Redadeg (bretoiera), Bretainia; Ras yr Iaith (galesa), Gales; Rith (irlandera), Irlanda; eta Sprochrenner (alemana), Alsazia.
“Bizirauten espezialistak, bi buruko aktibistak, bihotzaren ilusionistak... bidera aterako gara,
herriz herri ibiliko gara, tokian tokiko hizkuntzen alde!”
(ZIRKORRIKA abestiaren pasarte egokitua)
Fév
Otsaileko AIZU! aldizkaria labetik atera berri
AIZU! aldizkariaren ale berria euskaltegian jasoko dute dohainik AEK-ko ikasle guztiek lehen eskola egunean. Harpidedunek ere jasoko dute etxean.
Ohi bezala, elkarrizketak (444. alean Francis Diez -Doctor Deseoko abeslaria- eta Almudena Cid -gimnasta-) eta askotariko gaiak jorratu dituzte: Egunean Behin app-a; hondakinik sortu gabe bizitzeko hautua; emakumeen etxeak; artistek sortutako gune eszenikoak Gasteizen... eta beste hamaika gai izan dituzte hizpide.
Albiste laburrak, denbora-pasak, AEK-ko ikasleen iritziak... eta gehiago, AIZU! aldizkarian.
On egin, lagunok!
Egunean Behin app-a mintzapraktika taldeetan
Gainera, aplikazioak eskaintzen dituen sariez gain, mintzapraktika talde horietako kideek bestelako sariak ere jasoko dituzte.
Jan
Goya saria, euskaltegira!
Meatzaldeko AEK-ko ikasle Iñaki Madariaga Goya saridun suertatu da "El Hoyo" filmaren efektu bereziak direla eta. Zorionak, Iñaki!
Kirola eta Naturaren bigarren txangoa: Altubeko baso eta ur-jauziak
Delikako Zirkuan orientazio saioa egin eta gero, Kirola eta Natura egitasmoari esker, Euskal Herriko txokorik ederrenak euskaraz ezagutzen jarraituko dugu. Oraingoan, txangoa Altubera egingo dugu.
Edonorentzat egokia den 10 kilometroko ibilbidea da, ur-jauzi eta basoen artean. Iraupenari dagokionez, 4 ordu gutxi-asko. Gainera, argazki lehiaketa antolatu dute eta sariak egongo dira irabazleentzat!
Parte hartzea dohanik bada ere, nahitaezkoa da aurretik izena ematea. Horretarako fitxa hau bete behar da, otsailaren 12a baino lehen. Informazio gehiago Kirola eta Naturaren blogean.
Aurreko txangoaren argazkiak >https://labur.eus/xRvdm
Jan
Stage de préparation de l’examen B1EA à Bayonne
Vous voulez réussir votre examen du niveau B1 ? Ne laissez rien au hasard !
Ce printempts, AEK propose un nouveau stage à Bayonne, du 20 au 24 avril.
L’objectif est de préparer l’examen B1 : nous travaillerons les différents exercices et techniques de l’examen.
But: stage de préparation à l’examen B1
Le niveau pré-requis: Le niveau B1 doit être acquis et travaillé (évaluation du professeur ou test de niveau)
Durée: 35 heures de classe pendant 5 jours
Prix : 250€ + 22€ pour l’adhésion à l’association AEK
Objectifs :
-
préparation de l’examen B1 (la langue et la progression ne seront pas travaillées mais l’examen en soi)
-
travailler les stratégies de compréhension orale et écrite
-
planification, rédaction et cohésion, révision et correction du travail écrit
-
travailler l’expression orale et les techniques de la langue parlée : se présenter, présenter un sujet et participer dans un dialogue spontané.
-
pendant le stage, un examen blanc sera réalisé et chaque stagiaire sera suivi avec des conseils personnalisés.
Si vous souhaitez faire ce stage, n’hésitez pas à nous appeler pour plus d’information ou pour vous inscrire dès aujourd’hui : Cette adresse e-mail est protégée contre les robots spammeurs. Vous devez activer le JavaScript pour la visualiser. // 05 59 25 76 09
* Note 1 : Pour ce stage, vous pouvez mobiliser des financements (cpf, formation continue…). Pour cela, la demande doit être faite au plus vite.
Note 2 : Chaque stagiaire doit d’abord s’inscrire à l’examen B1 sur la page web www.mintzaira.fr pendant le mois de mars.
Euskara praktikatzeak abantailak ditu
AEKren Praktikatu zerbitzuan izena emateagatik, euskara praktikatzeaz gain, hainbat abantaila daude; esaterako, deskontuak AIZU!, Argia, Gaztezulo eta Harmaila aldizkarien eta Berria egunkariaren harpidetzan.
Bada, orain, Praktikatu txartela atera dugu, oraingoz Durangaldean, doan, berbalagunek % 50eko deskontua izan dezaten Elorrioko Arriola antzokian eta Durangoko San Agustin kultur gunean antolatzen diren euskarazko emanaldietan. Gainera, berbalagunek ez ezik, euskaltegietako ikasleek ere izango dute aukera deskontu horretaz gozatzeko.
Euskaraz praktikatu eta bizi!!
Jan
Stage de langue basque à Bayonne en Mars
Vous voulez apprendre ou améliorer votre niveau de basque? Vous n'avez pas le temps de suivre des cours durant l'année scolaire ?
Cela vous dirait de faire un stage en demi pension ? Avec les stages d’AEK, vous avez l’opportunité de suivre 7 heures par jour pendant une semaine lors des vacances scolaires. Une ambiance bascophone, des cours et des animations, et à midi on déjeune tous ensemble !
Le prochain stage en demi pension se déroulera à Bayonne, du 2 au 6 mars. Prix : 220€ + 22€ pour l’adhésion à AEK.
Venez papoter avec nous !
Delikako zirkuan orientazioa
Kirola eta Natura egitasmoari esker, Euskal Herriko txokorik ederrenak euskaraz ezagutzeko aukera izango duzue. Lehendabiziko hitzordua urtarrilaren 26an izango da; Delikako zirukuan orientazio saioa egingo dugu. Edonorentzat egokia den abentura txikia izango da: 2 km (familia eta umeentzat) eta 5 km (orientazio-kirola ezagutzen dutenentzat). Iraupenari dagokionez, 2 ordu gutxi-asko.
Parte hartzea dohanik bada ere, nahitaezkoa da aurretik izena ematea. Horretarako fitxa hau bete behar da. Partaide guztiek jasoko dute opari bat, txangoa abiatzerakoan.
Informazio gehiago Kirola eta Naturaren blogean.