Print Friendly, PDF & Email
06
Avr

Ezohiko egoeran ere, AIZU! esku artean

Konfinamendu garaian ere irakurketa atsegina nahi? Euskara ikaslea bazara edo ez bazara, AIZU! aldizkaria irakurtzera animatzen zaitugu. Apirileko alean elkarrizketa interesgarriak Felix Zubia medikuarekin eta Lian muralgilearekin.

Askotariko albisteak eta erreportajeak: Hizkuntza lankidetza; Landa eramuko zaporea hiriaren bihotzean; Iruña-Veleian, lurrak hitz egiten jarraitzen du; AZIAtik bizia!...; komikiak, denbora-pasak, kultur nobedadeak...

Hori eta gehiago, apirileko AIZU! aldizkarian. Den-dena sarean! Deskargatu alea HEMENDIK.

Eta gogoan izan, aldizkariaren azken 67 aleen eduki guztiak irakur ditzakezue.

OHARRA:

 446oharra1

Print Friendly, PDF & Email
27
Mar

Xaviren esperientzia online ikastaroan

Xavi Reusekoa da eta bertan bizi da eta euskara ikasten du AEKn. Online ikastaroa egiten ari da gurekin eta oso pozik dago!
 

Egungo egoeragatik, aurrez aurreko taldeetako ikasleek, Xavik bezala, beste era batean jasotzen ari dira eskolak (Skype, Google Duo, Whatsapp, e-posta...). Birusak ez gaitu mututu/ko eta gure jardunean jarraitzeko ahalegin guztiak egiten ari gara.
Print Friendly, PDF & Email
26
Mar

Apiriletik aurrera, online ikastaro gehiago!

Honako ikastaro hauek eskainiko ditugu, apiriletik aurrera, online: boga ikastaroak, itzulpegintza ikastaroa, eta azterketak prestatzeko ikastaroak (A1, A2, B1, B2, C1 eta C2).

Informazioa eta izen-emateak: Cette adresse e-mail est protégée contre les robots spammeurs. Vous devez activer le JavaScript pour la visualiser.

Ikastaroen ezaugarriak:

BOGA ikastaroak 

Boga metodologia oinarri hartuta online ikastaroak.

Hiru hilabete (72 ordu, 222 €), sei hilabete (144 ordu, 444 euro)
Mintza-saioak aparte kontratatu behar dira (ordubete astero).
Solteak (43,75 € ordua) eta taldean (5 pertsona gutxienez; 8,75 euro ordua).
Hasierako unitate baten eredua hementxe.

Itzulpengintza ikastaroa.  Apirilaren 20etik ekainaren 19ra.

30 orduko ikastaroa. 246 €. Programa hemen.

Azterketak prestatzeko 30 orduko ikastaroak.

30 orduko ikastaroak. A1etik C2 atarikora: 161 €
30 orduko ikastaroa, C2 201 €

Print Friendly, PDF & Email

Birusak EZ GAITU MUTUTUKO

Orain mintzapraktika taldeak (berbalagunak, mintzalagunak, mintzakideak) online batzen dira, eta zuontzat; jolasak, lehiaketak, tailerrak bideratzen ari gara. 

PRAKTIKATUko lagunok zuen ondoan egongo gara euskaraz praktikatu eta bizi nahi dugulako.

Informazioa: birusak #EzGaituMututuko
Print Friendly, PDF & Email
23
Mar

EUSKARAZ KOOP. E.ren Ohiko Batzar Nagusia atzeratuko da

Euskaraz Koop. E.ren Estatutu Sozialetako 32. artikuluan xedatutakoari jarraituz, Artezkaritza Kontseiluak Euskaraz Koop. E.ren Ohiko Batzar Nagusirako deialdia egin zuen martxoaren 28rako.

Une honetan ezarritako larrialdi egoeraren ondorioz, ezinezkoa da bazkideon osasuna zaintzeko eskatzen diren segurtasun bermeak betetzea eta, ondorioz, 2020ko martxoaren 17an burututako Artezkaritza Kontseiluaren bileran OHIKO BATZAR NAGUSIA ATZERATZEA erabaki dugu.

Larrialdi egoera hau normaltzen denean, deituko dugu berriro.

Lehendakaria
Aitziber Balantzategi Ibargoitia
Bilbon, 2020ko martxoren 17an

Print Friendly, PDF & Email
21
Mar

Grabazio-lehiaketa: “Barnetegitik, zein da zure oroitzapenik maiteena?”

Inoiz egon zara barnetegiren batean? Oroitzapen polit piloa izango dituzu, ezta? Bada, orain duzu horretaz profitatzeko aukera!

Barnetegiko zure oroitzapenik maiteena zein den konta iezaguzu grabaketa batean, audioz zein bideoz, eta bidal iezaguzu. Kontakizunik onena sarituko dugu bi lagunentzako bi eguneko egonaldi batekin, Zugarramurdiko Graxiana aterpetxean eta motxila!

Lehiaketan barnetegiren batean izan den edonork parte har dezake, parte hartzea guztiz irekia baita.

Pasadizoak ezaugarri hauek eduki behar ditu:

  • Gehienez, minutu bateko grabazioa izan behar du.
  • Zure ahotsa entzun nahi dugu; beraz, audio edo bideo bidez egin dezakezu (telefonoa erabil dezakezu).
  • Bidali Whatsapp edo Telegram bitartez 630 47 74 00 telefono-zenbakira edo Cette adresse e-mail est protégée contre les robots spammeurs. Vous devez activer le JavaScript pour la visualiser. helbide elektronikora
  • Audioak maiatzaren 24ra arte bidal ditzakezu.
  • Goiko galdera erantzun behar duzue: “Barnetegitik, zein da zure oroitzapenik maiteena?”.
Print Friendly, PDF & Email
21
Mar

Zelan euskaraz?

AIZU! Aldizkariaren atal berria den arren, dagoeneko hamabost lagun pasa dira bertatik. Heldu aroan, euskaltegian, euskara ikasi duten pertsonak, alegia.

Haiek ezagutzeko aukera edukitzeaz gain, euskara ikasteko lagungarriak diren aholkuak, trikimailuak eta testigantzak aurkituko dituzue. Harrapatu aukera!

Marija Louvric (Osijek, Kroazia, 1988) https://labur.eus/XNi3k
Alvaro Valera Belmonte (Murtzia, Espainia, 1989) https://labur.eus/2W80n
Yasmine Khris Maansri (Marseilla, Frantzia, 1996) https://labur.eus/bk7V0
Iñigo Fdez. de Martikorena (Begoña, 1972) https://labur.eus/SnCqs
Ruben Sanchez Bakaikoa (Zaragoza, 1975) https://labur.eus/8U0F6
Sara Agnetti (Parma, Italia, 1984) https://labur.eus/CLhtr
Tamara Delgado Valerio  (Mendabia, 1993) https://labur.eus/2iEF4
Arantxa Cerezo Baselga (Altza, 1972) https://labur.eus/WsXSu
Manu Bendala (Sevilla, Andaluzia, 1983) https://labur.eus/TbV0f
Alberto Ladron Arana (Iruñea, 1967) https://labur.eus/u13NL
Justine Quincarlet (Roazhon, Rennes, 1988) https://labur.eus/MsFGb
Monika Jimenez (Bilbo, 1973) https://labur.eus/ldluk
Daniel Sanz Cordero (Madril, Espainia, 1978) https://labur.eus/37wLq
Karlos Cid Abasolo (Madril, Espainia, 1963) https://labur.eus/oMAdh
Alessandro Ruta (Milan, Italia, 1982) https://labur.eus/fjsdK

Print Friendly, PDF & Email
20
Mar

'Hamaika Gara' manifestuarekin bat

AEK-k aldekotasuna adieraziko dio Gure Eskuk, gainontzeko eragileekin batera, martxan jarri duen Hamaika Gara herri ekimenari.

Altxa. Sinatu. Erabaki.

Print Friendly, PDF & Email
19
Mar

AEKn ere bat egiten dugu Mugimendu Feministak deitu duen zaintzak kudeatzeko mahaiarekin

Duela hiru egun, Euskal Herriko Mugimendu Feministak deialdia egin zien Euskal Herriko eragile nagusiei, Covid-19 gaitzak sortu duen egoeraren aurrean; bertan, eskatzen du mahai tekniko bat osatzea, berrogeialdiak larritutako krisi-zaintzari heltzeko. AEKn ere bat egiten dugu manifestu horrekin, eta, ere berean, mugimendu feministari nahiz Euskal Herriko eragileei geure prestutasun osoa erakusten diegu, eman behar diren urratsetan parte hartzeko.

Aurten adierazi genuen bezala, AEK-k abian du lau urteko berdintasun-plana, egunerokoan ikuspegi feminista txertatzeko asmoz, hel diezaiogun. AEK-k indarrean du 2019-2023 epealdirako berdintasun-plana

Print Friendly, PDF & Email
19
Mar

Note d'AEK

Gobernuaren azken adierazpenak direla eta, Iparraldeko AEK-k ere neurriak hartu ditu, bere langileen seguritatea bermatzeko. Harremana mantentzeko, langileek zerbitzua etxetik segurtatuko dute.

Zuen usaiako solaskideekin harremanetan segitzen ahalko duzue : Cette adresse e-mail est protégée contre les robots spammeurs. Vous devez activer le JavaScript pour la visualiser. // 05 59 56 52 25 telefonoan edo web-orri honen bukaeran dagoen galdetegia bete.

Cette année, il y aura aussi des stages d'été. Par exemple, voici l'offre des stages d'été en ligne. D'autre part, la situation anormale que nous vivons fait que nous ignorons comment se dérouleront ces stages. Nous étudions la possibilité de réaliser des barnetegis et vous trouverez ici les dates et la possibilité de nous contacter. D'autre part, il y aura des stages d'été dans les Gau eskola, bien que nous ne sachions encore de quelle manière. Si vous le souhaitez, appelez ou envoyez un message  à la Gau eskola la plus proche, voir.


 

Print Friendly, PDF & Email
16
Mar

Euskara ikasleentzako bertsoa Jon Maiaren eskutik

Jon Maia bertsolariak Twitterren abian jarri duen ekimena aprobetxatuta, gonbidapena egin genion euskaltegietako ikasleei bertso bat idazteko. AEKren izenean, Jon, ESKERRIK ASKO!

Euskara ikasleok, hemen duzue:

Milaka ikasle zuen etxetan
isolatuta zaudete
baina euskara ez da hustuko
nahiz eta gelak ez bete
zenbat ahalegin, zenbat denbora
zenbat amets, zenbat neke
Zenbat “baneki”, zenbat “bagina”
zenbat “ahal da”, ”baliteke”
Beste baldintza bat sartu zaigu
ez muga eta ez epe…
isolamendu oro
hizkuntzen azkena izan daiteke
baina ikasleak, zuek bai, zuek
nola utzi esateke...
etsipenaren birusarentzat
antidotoa zarete

Jon Maia

Doinua: Martxa baten lehen notak

Jarraian jasotako bertsioak dauzkazue. Eskerrik asko!

Aritz (Trapagaran)

Lorea (Iruñerriko AEK-ko irakaslea)

Rosa (Barakaldoko AEK-ko ikasle ohia)

Print Friendly, PDF & Email
12
Mar

Angel Ibisate euskaltzain urgazlea eta Arabako AEK-ko sortzaileetarikoa zendu da

Angel Ibisate Lozares euskaltzain urgazlea hil da Gasteizen, 87 urte zituela. Arabako AEKren sortzaileetako bat. 1970ean sortu eta idazle arabar baten izena zuen irakasle-talde batean parte hartu zuen: Juan Bautista Gamiz taldea (edo M. Iradier Elkarteko irakasle-taldea). Gasteizko gau-eskolak ere  talde horrexen inguruan bildu ziren eta hori izan omen zen Gasteizen zegoen euskal mugimendua egituratzeko lehen urratsa eta, talde horretako partaide izandako batzuek diotenez, AEKren ataria.

Une latz hauetan, AEK-k bat egiten du familiaren saminarekin. Goian bego.

Argazkia: Euskaltzaindia

Print Friendly, PDF & Email
06
Mar

Martxoko AIZU! hemen da

Martxoko AIZU! iritsi zaigu! Askotariko gaiak oraingoan ere, eta tartean, Bea Severri eta Iñaki Madariagari elkarrizketak; euskal mendiak eta ibaiak; org domeinua; lehenengo dendak...

Horrez gain, Asier Arroitaren abenturak Asian... Gehiago jakin nahi baduzu, lasai, AEK-ko ikaslea bazara, euskaltegian jasoko duzu ale bat doan. Bestela, segi bizkor kioskora eta eskuratu aldizkaria edo egin harpidetza.

Hainbat eduki eguraldi kaxkarrari aurre egiteko!

Print Friendly, PDF & Email
27
Fév

Errigora: kanpaina berria martxan!

Udaberriko kanpaina abian da: "Gure hautuez harro".

Ohi bezala olioa eta kontserbak izanen ditugu eskuragarri, arroza eta pastarekin batera. Gure euskaltegi asko izanen dira produktu hauek guztiak eskatzeko tokiak, auzolanean burutzen dugun egitasmoa, beraz.

Informazio guztia Errigoraren webgunean.

Harro gaude gure ekoizteko eraz, gure kontsumitzeko eraz, herria egiteko eraz!

Print Friendly, PDF & Email
26
Fév

AEKren Didaktika Topaketa Donostian, larunbatean

AEKren VIII. Didaktika Topaketa otsailaren 29an egingo da Donostian, Gipuzkoako Bazkundean. Ehun AEKidek baino gehiagok hartuko dute parte, eta hainbat gai landuko dira: alde batetik, Jantzi betaurreko moreak klasean! (Pilar Aristizabal eta Mariate Bizkarra, EHUren Arabako Irakasleen Eskolako irakasleak) eta bestetik, Proiektuen bidezko irakaskuntza (Itziar Uriarte Crespo, UEUko “Proiektu bidezko irakaskuntzaren” ikastaroko irakaslea zein Egibide ikastetxekoa).

Bukatzeko, partaideek mintzodromoa egingo dute, goizean ikusi eta entzundakoaren inguruan iritziak trukatzeko.

Print Friendly, PDF & Email
26
Fév

Larunbatean denok Iruñera!

Azken hilabete hauetan Nafarroan euskararen kontrako eraso eta hizkuntza eskubide urraketa ezberdinak ematen ari dira: Iruñeko haur-eskoletan eskaintza murriztea, D eredua zabaltzeko oztopoak, PAItik ateratzeko zailtasunak, NUPen euskaraz ikasteko eragozpenak, LHn dagoen eskaintza urria, Pirritx, Porrotx eta Marimototsen zentsura hainbat udalerritan, euskararen ordenantza aldaketa herri ezberdinetan atzera eginez, Iruñean euskarazko komunikabideei diru laguntzak jasotzeko trabak jarri...

Eraso hauei eta euskaldunok egunero pairatzen dugun eskubide urraketari erantzun nahian, datorren larunbatean hilaren 29an, arratsaldeko 17:00ean Golemetatik abiatuko den manifestazioa deitu da.

AEK-k mobilizazioari atxikimendu eta babes osoa adierazi nahi dio eta bertan parte hartuko du.

#EuskaraEskubidea, #nimasnimenos.

 

 

Print Friendly, PDF & Email
25
Fév

Jarraitu AEKren Telegram kanala!

Telegram erabiltzen al duzu? Korrikaren, AEKren eta euskalgintzaren inguruko albisteak jaso nahi dituzu?

Oso erreza da! Honako pauso hauek baino ez dituzu eman behar!
  • Deskargatu/ireki Telegram aplikazioa.
  • Bilatu @AEKeus kanala, edo kanalera zuzenean eramango zaituen estekan klikatu: telegram.me/AEKeus
  • Batu kanalera

Gainera, AIZU! aldizkariaren Galde debalde? atalaren edukiak ere asteazkenero argitaratzen dira AEKren Telegram kanalean

Print Friendly, PDF & Email

Kirola eta Natura hirugarren txangoa: Zumaiako geoparkera!

Delikako zirkua, Altubeko paisajeak... euskaraz ezagutu eta gero, oraingoan Zumaiako geoparkera antolatu dugu txangoa.

Edonorentzat egokia den 8,5 kilometroko ibilbidea da. Iraupenari dagokionez, 3 ordu gutxi-asko.

Parte hartzea dohanik bada ere, nahitaezkoa da aurretik izena ematea. Horretarako fitxa hau bete behar da, martxoaren 11 baino lehen. Informazio gehiago Kirola eta Naturaren blogean.

Kirola eta Naturaren argazkiak hemen

Print Friendly, PDF & Email
20
Fév

Gozatu AEKn! Urteko oparia zuentzat!

Gure ikasleen jarrera zoriontzeagatik, aurten ere 5 ikasleri sorpresa polita eman diegu urtearen hasierarekin batera. Egunotan bakoitzak otzara bana jasoko du; bertan, besteak beste, hauxe aurkituko dute: ELKAR opari txartela (15 euro), EUSKARAZ BIZI NAHI DUT osagarriak, ERRIGORA produktuak eta bi lagunendako otordu bana Uxarte sagardotegian. 

Hauek dira saridunak:

LOBNA BOURCHI (Gasteizeko Zadorra AEK euskaltegia)
NURIA AIERDI (Arratiako Kubulu AEK euskaltegia)
NICOLE LELOUP (Donibane Lohizuneko AEK gau-eskola)
ELENA SILVESTRE (Donostiako Amara AEK euskaltegia)
RAUL SALON (Pirinioak AEK Euskaltegia)

Zorionak!
Print Friendly, PDF & Email
18
Fév

Mintzodromo birtuala otsailaren 28an

Online ikastaroetan, euskara ikasten hainbat ikasle ari da AEKn, munduan zehar zein Euskal Herrian. Hauek guztiak harremanetan jartzeko otsailaren 28an, E-uskaltegian -AEKren euskaltegi birtualean- mintzodromoa egingo dugu.

Mintzodromo honek arruntaren ezaugarri berberak izango ditu (talde txikietan hitz egingo dute gai zehatzen arabera, partaideak taldez talde aldatuko dira, dinamizatzaile bana egongo da taldeetan...) baina online burutuko da.

Egunerokotasuna duten gaiak landuko dira: sare sozialak; euskararen aldeko ekimenak; eta oporrak, bidaiak eta turismoa izango dituzte eztabaidagai. Parte hartu nahi baduzue, aukeratu zein ordutegitan ahal edo nahi duzuen otsailaren 24a baino lehen. Izena emateko sakatu hemen.

Online ikastaroetako ikasleez gain, aurrez aurreko eskoletako euskara ikasleak, irakasleak, herritarrak eta abar parte hartzera gonbidatuta daude.

AEKn, euskara praktikoa!!

Print Friendly, PDF & Email
07
Fév

2020. urtean ere, KORRIKA nonahi

Euskararen aldeko ekimenaren 22. edizioa 2021. urtean izango bada ere, Europako hainbat tokitan Korrika oinarri hartuta sortu diren zenbait ekimenen txanda izango da aurten.

Egutegian, lehendabiziko hitzordua LA PASSEM da, okzitanieraren aldekoa. Apirilaren 30ean abiatuko da haren bigarren edizioa, eta maiatzaren 3an Angelura iritsiko da, Bokaletik Euskal Herrira sartu ostean.

Maiatzean, halaber, KORRIKAren “ahizpa” garrantzitsuena etorriko da: AR REDADEG, bretoieraren alde. Gau eta egunez Bretainia zeharkatzen duen korrikaldia Euskal Herrikoaren isla da, lekuko, mezu sekretu eta guzti. Aurtengoa zazpigarren edizioa izango da. Maiatzaren 23an bukatuko da
Guingamp hirian, eta, ohi bezala, Euskal Herriko ordezkaritza ere han izango da. Izan ere, hainbat tokitan autobusak antolatzen dituzte hara joateko.

Geroxeago, maiatzeko azken igandean, SPROCHRENNER! ekimenaren ordua izango da, Alsazian. KORRIKAren ahizpa berri hau —aurtengoa lehen edizioa da— maiatzaren 31n abiatuko da, eta 340 kilometro egingo ditu: Alsazia hegoaldetik iparraldera zeharkatuko du, Bale herritik Wissembourgera.

Egutegian zehaztuta ez badago ere, galestarrek iragarri zuten aurten RAS YR IAITH ekitaldiaren hirugarren edizioa egingo dutela. Beraz, galesaren alde ere aterako dira errepidera.

Amaitzeko, 2018ko maiatzaren 5ean zabaldu zen Kemperreko adierazpena gogoratu nahi dugu, zeinetan EUROKORRIKA osatu zen, hizkuntzen aldeko lasterketen sare europarra, alegia. Hauexek sinatu zuten: KORRIKA (euskara), Euskal Herria: Correlingua (galiziera), Galizia; Correllengua (katalana), Katalunia; Course Lingua (okzitaniera), Aran Harana; La Pasem (okzitaniera), Biarno; Redadeg (bretoiera), Bretainia; Ras yr Iaith (galesa), Gales; Rith (irlandera), Irlanda; eta Sprochrenner (alemana), Alsazia.

Bizirauten espezialistak, bi buruko aktibistak, bihotzaren ilusionistak... bidera aterako gara,
herriz herri ibiliko gara, tokian tokiko hizkuntzen alde!”

(ZIRKORRIKA abestiaren pasarte egokitua)

Print Friendly, PDF & Email
07
Fév

Otsaileko AIZU! aldizkaria labetik atera berri

AIZU! aldizkariaren ale berria euskaltegian jasoko dute dohainik AEK-ko ikasle guztiek lehen eskola egunean. Harpidedunek ere jasoko dute etxean.

Ohi bezala, elkarrizketak (444. alean Francis Diez -Doctor Deseoko abeslaria- eta Almudena Cid -gimnasta-) eta askotariko gaiak jorratu dituzte: Egunean Behin app-a; hondakinik sortu gabe bizitzeko hautua; emakumeen etxeak; artistek sortutako gune eszenikoak Gasteizen... eta beste hamaika gai izan dituzte hizpide.

Albiste laburrak, denbora-pasak, AEK-ko ikasleen iritziak... eta gehiago, AIZU! aldizkarian.

On egin, lagunok!

Print Friendly, PDF & Email

Egunean Behin app-a mintzapraktika taldeetan

Egunean Behin aplikazioaren arrakasta ikusita, mintzapraktika taldeetan ere app-aren erabilera zabaltzen hasi da.
 
Azaroan Durangaldeko berbalagunek lehiatzeko talde bat aktibatu zuten, eta oraingo denboraldian; Santurtzi, Bilbo eta Meatzaldeko berbalagunek ere gauza bera egin dute.

Gainera, aplikazioak eskaintzen dituen sariez gain, mintzapraktika talde horietako kideek bestelako sariak ere jasoko dituzte.


Print Friendly, PDF & Email
03
Fév

Martxoaren 6ra arte, udako barnetegia %25 merkeago AEK-ko ikasleentzat!

AEK-ko ikaslea bazara eta udan barnetegia egiteko asmoa badaukazu, deskontu ederra izan dezakezu. Izan ere, otsailaren 3tik martxoaren 6ra izena ematen baduzu, %25 gutxiago ordaindu* beharko duzu, AEK-ko ikaslea izateagatik.

Barnetegietan, egunean sei orduz egongo zara eskolan euskara ikasten, eta, horiek bukatuta, euskaraz mintzatzen jarraituko duzu. Barnetegia ezinbesteko bultzada da euskararen ikas prozesuan, euskaltegian ikasitakoa praktikan jartzeko aukera bikaina, 15 egunez inguru euskaldunean murgiltzeko bidea ematen baitizu. Izan ere,  bat-batean, leku euskaldun batean egonik, eguneroko bizimodua euskaraz egiten baituzu.

Barnetegietako datak hemen.

Aprobetxatu AEK-ren eskaintza berezia*! Ez galdu aukera!

Informazio gehiago AEK euskaltegietan.

*AEK-ko ikasleentzat soilik (deskontuaz baliatzeko derrigorrezkoa da 2019/2020 ikasturtean,  AEK-ko ikasle izatea 60 orduko edo gehiagoko ikastaroren batean).

Print Friendly, PDF & Email
31
Jan

Goya saria, euskaltegira!

  Goya. Iñaki

Meatzaldeko AEK-ko ikasle Iñaki Madariaga Goya saridun suertatu da "El Hoyo" filmaren efektu bereziak direla eta. Zorionak, Iñaki!

Print Friendly, PDF & Email

Kirola eta Naturaren bigarren txangoa: Altubeko baso eta ur-jauziak

Delikako Zirkuan orientazio saioa egin eta gero, Kirola eta Natura egitasmoari esker, Euskal Herriko txokorik ederrenak euskaraz ezagutzen jarraituko dugu. Oraingoan, txangoa Altubera egingo dugu.

Edonorentzat egokia den 10 kilometroko ibilbidea da, ur-jauzi eta basoen artean. Iraupenari dagokionez, 4 ordu gutxi-asko. Gainera, argazki lehiaketa antolatu dute eta sariak egongo dira irabazleentzat!

Parte hartzea dohanik bada ere, nahitaezkoa da aurretik izena ematea. Horretarako fitxa hau bete behar da, otsailaren 12a baino lehen. Informazio gehiago Kirola eta Naturaren blogean.

Aurreko txangoaren argazkiak >https://labur.eus/xRvdm

Mezua bidali Cette adresse e-mail est protégée contre les robots spammeurs. Vous devez activer le JavaScript pour la visualiser. helbidera (Hotmail eta Yahoo posta zerbitzua erabiltzen duten lagunek gure mezuak spam edo no deseados karpetetan jasotzea gerta daiteke. Mesedez, begiratu karpeta horiek)
Izena emateko izen-abizenak, posta helbide elektronikoa eta telefono zenbakia bidali.
639 440 615 telefono zenbakira ere deitu dezakezu (Jaione Barandiaran).

wrtwrt

Zalantzarik al duzu?

Bidali zure galdera eta
laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.

wrtwrt

¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

wrtwrt

Vous avez des doutes?

Envoyez votre question et
nous vous répondrons
bientôt
¿Tienes dudas?

Envía tu pregunta y
te respondremos
pronto

Los datos personales facilitados serán tratados por Euskaraz Kooperatiba Elkartea (AEK) como responsable del tratamiento, para la gestión de las consultas y solicitudes de información recibidas. Puede acceder, rectificar y suprimir sus datos, así como ejercer otros derechos en la dirección: Cette adresse e-mail est protégée contre les robots spammeurs. Vous devez activer le JavaScript pour la visualiser., como se explica junto a información adicional de protección de datos en nuestra política de privacidad.

Zalantzarik al duzu?

Bidali zure galdera eta laster erantzungo dizugu

Emandako datu pertsonalak Euskaraz Kooperatiba Elkarteak (AEK) erabiliko ditu, erabileraren arduraduna den heinean, jasotako kontsultak eta informazio-eskaerak kudeatzeko. Zure datuak eskuratu, zuzendu eta ezabatu egin ditzakezu, baita beste eskubide batzuk egikaritu ere, Cette adresse e-mail est protégée contre les robots spammeurs. Vous devez activer le JavaScript pour la visualiser. helbidean, gure pribatutasun-politikan datuen babesari buruzko informazio gehigarriarekin batera azalduta dagoen moduan.