Iragan abenduaren 19an, Azkaingo Kiroletan, Gau Eskolako bigarren Pintxo Txapelketa egin genuen. Justuki, Biltzar Nagusia dinamizatzeko, lana partekatzeko, elkarrekin mintzatzeko, elkar ezagutzeko eta abar. 11 talde ginen, orotara 45 lagun (ikasle eta irakasle). Hiru sari ziren jokoan: politena, hoberena (gustua) eta “marketing” saria.
Talde bakoitzak bere pintxoa aurkeztu zuen: kantuz, bertsoz, antzerkiz edo dantzaz lagundurik. Giro ona izan zen, biziki alaia. Txapeldunak kontent ziren, eta besteak ere bai.
