2024ko azaroaren 12an Pantxix Bidart artista hazpandarraren bisitaldia izan genuen Azkaingo Gau Eskolan.
Hendaiako Nekatoenean egiten ari den “artista egonaldia” zertan den aipatu digu Pantxixek. Justuki, liburu bat idazten ari da, egungo Euskal Herria eta 1960ko hamarkadako Hazparne uztartzen dituena. Bere artista ibilbidearen berri galdetu diogu, testu batzuk irakurri eta, gitarraz lagundurik, kantu batzuk eman dizkigu. Bukaeran, bistan dena, jan-edana ere izan dugu Azkaingo Erretor Etxean. Mila esker, Pantxix, eta kuraia on!
