UDABERRIAREKIN BATERA BADATOR LORALDIA
UDABERRIAN ETA BILBON PLAZARATUTAKO EUSKAL KULTURAREN FESTA BERRIA
LORALDIA ideia originala da, baina hausnarketa aspaldian zebilen euskalgintzaren haize boladetan dantzan.
Euskal Kulturaren transmisioa eta ikusaraztea ditu helburu. Euskal Kulturak badu itsasargi handi bat udazkenean (Durangoko Azoka). Hortaz, LORALDIA Udaberriko itsasargi dirdiratsua izateko sortua da.
Eta uste dugu lekurik egokiena euskal kulturaren itsasargi edo plaza berri hau jartzeko Bilbon dela
Bilbo, Munduko modernitatearen ikurra delako eta euskararen historian aitzindaria izan delako. LORALDIA berriro ere aitzindaria izango da euskararen historia luze horrretan.
LORALDIAK Anton Abbadiaren lekukoa hartu du.
Anton Abbadiak, Irlandan jaio zen euskaldun honek, euskara eta euskal kulturari prestigioa eman nahi izan zion oran dela 150 urte. Munduko beste hizkuntz eta kulturen pare jarri nahi izan zuen geurea.
Asmo berberarekin ari gara lanean LORALDIAN. Euskal Kulturari merezi duen lekua eta prestigioa eman nahi diogu.
Anton Abbadiak LORE JOKOAK asmatu zituen. Guk LORALDIA plazaratuko dugu.
1853ko LORE JOKOEK eta LORALDIAK festibalak ez dute zerikusirik izango baina asmo berarekin abiatzen gara lanean.
LORALDIAK Bilboko erdigunea hartuko du (Guggenheim, Euskalduna, Arriaga, Rekalde, Campos, Kafe Antzokia, Eitb multibox, Ensantxeko merkatua, Pabellon 6…) eta kulturaren arte adierazpen guztiak plazaratuko ditugu: zinema, arte plastikoak, arte eszenikoak (dantza eta teatroa), musika, literatura, bertsolaritza…
