Euskara ikastaro bat doan jasotzeko aukera irabaz dezakezu!

Donostiako AEK-k euskarazko *eslogan lehiaketa antolatu du “iriki atia, donostiar euskaldun eta euskara ikasleen topalekua”ren ekimen berri gisa.
Euskarazko sormena lantzea du helburu; izan ere, erdaraz pentsatutako goiburu edo esloganak nagusi baitira egun publizitate arloan.
Lehiaketa honetan, hain zuzen, euskararen erabilera bultzatzeko asmoa duten esloganak osatu beharko dira. Esate baterako, 18. Korrikan erabilitako leloa: “eman euskara elkarri”.

*eslogan edo slogan
Jendearen arreta piztu eta erakartzeko esaldi laburra. Produktu edo ideia bati buruz pertsonek duten jarrera aldatu edo finkatzea du helburu.

OINARRIAK:

1.- 2013ko ekainaren 1etik 20ra egongo da zabalik lehiaketan parte hartzeko epea, eta nahi adina eslogan bidali ahal izango dira.

2.- Esloganak euskara hutsean izango dira.

3.- Esloganek jatorrizkoak eta inon argitaratu gabeak izan behar dute.

4.- Gaia: esloganak euskararen erabilera sustatuko du.

5.- Esloganak honako helbidera bidali behar dira: donostia@aek.org, honako datuak erantsiz: izen-abizenak, herria eta harremanetarako telefono zenbaki bat.

6.- Esloganak, bidali ahala, www.aek.eus/blogak/donostia helbidean zerrendatuko ditugu.

7.- AEKren Donostiako euskaltegietako zuzendariek eta AEK-ko komunikazio arduradunek osatuko dute epaimahaia. Epaia ekainaren 26an jakinaraziko dugu arestian aipatu blogaren bitartez, eta apelaezina izango da.

8.- Saria: irabazleak 2013-2014 ikasturtean AEKren Donostiako euskaltegi batean euskara ikastaro bat doan jasotzeko aukera izango du.

9.- Parte hartzaileek AEKri uzten diote, esklusiban, esloganak erabiltzeko eskubidea.

10.- Lehiaketa honetan parte hartzeak berez dakar oinarrion erabateko onespena.

Parte hartu! Sariak merezi du eta!

JASOTAKO ESLOGAN GUZTIAK:

-EUSKARA ERABILI, ETA EUSKAL HERRIAN IBILI

-EUSKARAZ HITZ EGINEZ ETA LAGUNAK EGINEZ

-Euskara “IN” elkarrekin

-Euskara “IN”ez, euskara “ON”duz.

-Mingaina dantzan, herriko plazan.

-Mingaina askatu, euskarari lotuz.

-Euskararen giltza, elkarrekin mintza.

-AEK – Ahozko Erabileraren Kimua

-Euskaraz aho betez, aho batez.

-“Sorginkeria xamurra, euskararen lilura”

-Hartu eta zabaldu!

-Nahi dudalako!

-Eta joaten bagara?

-”Euskara munduan, ibili buruan”

-”(NI) euskarazkoa naiz”…Ni gabe ere joan litekeena, ezta? “Euskarazkoa naiz”.

-AEKn zure ametsak errealitate bihurtuko dira.

-AEKn zurekin ikasten dugu

-AEKn euskara zure esku ahurrean.

AEK aurkitzear dagoen mundua

-AEKn euskara zure neurrira

-AEKn euskara zure eskueran/eskumenean.

-Euskara ikasi eta zure ametsak errealitate bihurtuko dira.

-Euskaltegietan zurekin ikasten dugu

-Euskara zure esku ahurrean duzu, jaurti ezazu

-Ez zaitez urrutira joan dena hemen izanik

-Euskara aurkitzear dagoen mundua

-Euskara zeure oreka

-Euskaltegietan euskara zure eskueran/eskumenean.

-Euskaraz goza ezazu, guk gainontzekoa jarriko dugu.

-Bai esan eta blai izan.

-Kutsa ezazu euskal giroa!

– Euskaraz maite zaitut

-Euskararen sustaiak luzatu

-Nahiz eta euskara gutxi jakin, erabil ezazu

– euskara onduz, geroan elkarri hobeto ulertu

– euskara ikasiz etorkizunean elkartzeko

– euskara ikasi etorkizuna zabaltzeko
– euskara ikasiz etorkizuna zabaldu
– euskara ikasiz etorkizuna zabaltzen da

– euskara ikasi etorkizuna eraikitzeko
– euskara ikasiz etorkizuna eraiki
– euskara ikasiz etorkizuna eraikitzen da

– euskara ikasi sustraiak osatzeko
– euskara ikasiz sustraiak osatuko ditugu
– euskara ikasiz sustraiak osatzen dira

-Abiapuntuan

-sustraietarantz

-Lan eta lan beti euskaraz AEKn

-Bildu euskaraz

-Bildu zure burua euskaraz

-AEKn pozez ikasten

-Alaia Ekintzailea Kalitatea,AEK

-Zoriontasunean ikasiz

-Maitatu, gozatu, zabaldu

-Hizkuntza maitatu, euskara zabaldu

-Euskara, bihotzetik ahora.

-Gailurrak lortzen.

-Euskara, gure kulturaren arnasa.

– AEK-n, lehen hitzetatik, azken ametsetaraino!

-AEK-n argi eta garbi ikasi!

– Ikasi ta ikasi ta… gustura ikasi!

-AEK, hizkuntzan sinisten, euskara sentitzen.

-Urtarotik urtarora Aekrekin pozik goaz!

-EUSKARArekin  AEKra   H E L D U  G A R A   AEKrekin EUSKARAra

-Hasi orain edo damutu gero

-Hona hemen zure aukera

-Zure helburuak lortzeko aukera topatu duzu

-Ez utzi gerorako!

-Euskarak elkartzen gaitu