Egin dezagun korrika euskaraz!
Donostiako AEK-k bigarren urtez binakako lasterketa antolatuko du apirilaren 13an, 10:30ean. Kirol jarduera bat eskaintzeaz gain, AEK-k parte-hartzaileen artean euskarazko kultur eta aisialdi produktu eta zerbitzuen kontsumoa sustatzeko helburua ere badauka. Horretarako; AIZU!, Berria, Hitza, Elhuyar, Luma, Argia eta Gaztezuloren harpidetzak zozketatuko dituzte, baita Elkarrek banatutako hainbat mahai jolas, liburu eta disko ere.
Lasterketa honetan korrikalariek binaka hartu behar izango dute; mutil-mutil, neska-neska eta neska-mutil aukerak egongo dira, eta era berean hiru sailkapen.
Informazio gehiago:
Eguna: apirilaren 13a (igandea), 10:30ean.
Luzera: 6 km
Prezioa: 19 euro bikoteko (aurrez. Egunean bertan, 25 euro bikoteko). Mikrozuntzezko toalla bana opari!
Izen emateak HEMEN
